ఒక అవుడియా జీవితాన్నే మార్సేస్తే, మరి ఒక లక్కీ లాటరీ ఎంత మార్పు తేవాలె? ఎంతగా జీవితాన్ని మార్సేయాలె? ఒకటా, రెండా? లచ్చో, కోటో కూడా కాదాయె.! ఏకంగా 240 కోట్ల రూపాయెల లాటరీ తల్గిన గీయినె జీవితం తంతె గారెల బుట్టల కాదుల్లా… రూపాల గుట్టల పడ్డట్లైంది మరి.
యునైటెడ్ అరబ్ ఎమిరేట్స్ ల గతేడాది బోళ్ల అనిల్ కుమార్ అనేటాయెనెకు యుఏఈ లాటరీ రూ.240 కోట్ల జాక్పాట్ తల్గింది. గా లాటరీ గెలిశి ఏడాదైనందున గాయినె గా యూఏఈ లాటరీ సంస్థతో తన అనుభవాలను, ఆనందాన్ని గిట్ల శెప్పిండు. ‘గీ భారీ జాక్పాట్ నా జీవితాన్ని, ఆశయాలను సైతం మార్సింది. గీ పైసలతోటి యూఏఈలో కొన్ని ఆస్తులు కొన్నా, మరిన్ని వ్యాపార అవకాశాల కోసం సూత్తాన’ అన్నడు. ‘‘ఇగ శేతికి వచ్చిన పైసలతోటి తొలుత ఓ ఐఫోన్ కొనుక్కున్న. నాకు నచ్చిన నాలుగైదు శేతి గడియారాలు తీసుకున్న. అబుధాబీ, దుబాయిల కొన్ని ఆస్తులు కొన్న. మా అయ్యవ్వలు మస్తు ఖుషీగున్నరు. నాయిన కోసం కొంత భూమి కొన్న. ఇగ వచ్చే ఐదేండ్లల్ల ఇప్పటికంటే మరింత ఆరోగ్యంగా ఉండాలెనని, పెండ్లి శేసుకోవాల్నని అనుకుంటున్నా” అన్నడు. గీయినెది ఖమ్మం జిల్లా వేంసూరు మండలం భీమవరం. దేనికైన పెట్టి పుట్టాల్నంటరు. ఇగ అద్రుస్టమంటే గీయెనెదే పో!?
