తలంత బలగం, తలకు పోసే దిక్కులేకుండా పోయిందనే సామెత గా అవ్వకు బాగా అతికింది. గా తల్లికి ఇద్దరు బిడ్డలు. బంధుగులు కూడా ఉన్నరు. కానీ, గవాల్లంతా గిప్పుడు యాడున్నరో తెలవదు. 40 ఏండ్ల నుంచి గవాల్లెవలూ గా అవ్వ కోసం రాలే. ఇగావ్వ బతుకంతా ఒంటరిగనే గడిసింది. సూసిసూసీ, అలసిన అవ్వ ఊపిరి ఆగిపోయింది. అయినా, ఎవ్వలూ రాలే. ఇగ గిదంత పని కాదని, ఇరుగుపొరగోల్లు ‘అమ్మ సచ్చిపోయింది’ అని ఓ పకటన కూడా ఇచ్చిండ్రు. ఇగిప్పుడు గా పకటన నెట్టింట్ల తెగ వైరలైంది.

గీ లలితా కృష్ణమూర్తి అనే అవ్వ బొంబాయిల ఉంటాంది. నవంబర్ 13న సచ్చిపోయింది. ఇగ సావు కర్మకాండలకు ఎవ్వలూ రాలే. సుట్టుముట్టు ఇండ్లోల్లకు గా అవ్వ కుటుంబీకుల జాడ దొరకలే. శివరాకరికి గా పకటన ఇచ్చిండ్లు. ఒంటరి జీవితంల అవ్వయ్యలకు ఎదురయ్యేదెట్లుంటదో గీ ముచ్చట అర్థం శేత్తాంది. గంతే కాదుల్లా… యిదేశాల్ల ఉండే పిల్లలు దగ్గరోల్ల పెండ్లిల్లు, తల్లిదండ్రుల సావులకు కూడా నోసుకోని ముదనస్టపు ముచ్చటను ముందుకు తెత్తాంది. మొత్తానికి ఆకరి సూపు కోసం గా అవ్వ శవం ఎదురు సూత్తాంది!

