దేని మీదనైనా ఆధారపడినా, అలవాటైనా ఇగంతే సంగతులు. అయిన దానికి, కాని దానికి కూడా గాదాని మీదకే పానం గుంజుతది. గట్లనే గా లెక్కలు శేసే కాలుక్ లేటర్, శేతుల్ల పట్టుకునే పోన్లు కూడా. గా పోన్లకు అలవాటు పడ్డోల్లు పానాలే తీసుకుంటాండ్లు. ఇగ గా పోన్ల వచ్చే చాట్ పీజీటీ పచ్చని సంసారంల చిచ్చు పెట్టంది? గదెట్లనో తెలుసుకుందాం పదండ్రి.

గుజరాత్ ల గా ఆలు మొగల మద్దెల ఊకె పంచాతీలు అయితానయి. ఇగిది పని కాదని, గా పెనిమిటి, గా పంచాతీలకెల్లి ఎట్ల బయట పడాల్నని, గా చాట్ జీపీటీని అడుగుడు మొదలు పెట్టిండు. ఇగది గా పెండ్లాం తిడతాంటే గా పోన్ల రికార్డు శేయాలని, యీడియోలు తీయాల్నని శెప్పింది. గట్ల గా పెనిమిటి శేత్తాంటే, గా పెండ్లాంకి ఇంకా కోపం వచ్చింది. ఇగిది పని కాదని, మల్లా గా చాట్ జీపీటీనే అడిగితే, ఇడుపు కాయితం ఇయ్యాలని శెప్పిందట. ఇగ ఇడుపుకాయితం కోసం లాయర్ తోటి పెండ్లానికి నోటీసు పంపిండట. ఇగిసిగి పోయిన పెండ్లాం అభయ హెల్ప్ లైన్ ను ఆశ్రయించిందట. ఇగా పోలీసులకు, లాయర్లకు తెలిసి, గా ఆలు మొగలకు కౌన్సులింగిప్పిత్తాండ్రట. ఏఐ మనం అడిగిన దాని మీద ఆధారపడే జవాబిత్తది. గట్లని గదాన్ని నమ్మితే, నట్టేట మునుగుడే. ఎవలేది సెప్పినా, మన తెలివి మనకుండాలె మరి! ఏమంటరు?

