స్వస్తి శ్రీ పరాభవ సంవత్సరము,
ఉత్తరాయణం, గ్రీష్మ ఋతువు ,
అధిక జ్యేష్ఠ మాసము
సూర్యోదయం ఉదయం 5:44
సూర్యాస్తమయం సాయంత్రం 6:44
సంకల్ప తిథి:
కృష్ణ-పంచమి శ్రాద్ధ తిథి:
అధిక జ్యేష్ఠ కృష్ణ-పంచమి
తిథి : కృష్ణ-పంచమి రాత్రి 1:20 వరకు, తదుపరి కృష్ణ-షష్ఠి
నక్షత్రము : శ్రవణం రోజంతా
యోగము : బ్రహ్మ ఉదయం 9:42 వరకు,
తదుపరి ఇంద్ర
కరణము : కౌలవ మధ్యాహ్నం 12:28 వరకు,
తదుపరి తైతుల రాత్రి 1:20 వరకు
రాహుకాలం:
ఉదయం 10:37 నుం. మధ్యాహ్నం 12:14 వరకు
దుర్ముహూర్తం:
ఉదయం 8:20 నుం. ఉదయం 9:12,
మధ్యాహ్నం 12:40 నుం. మధ్యాహ్నం 1:32 వరకు
వర్జ్యం:
ఈ రోజు ఉదయం 8:05 నుం. ఉదయం 9:50 వరకు
అమృత ఘడియలు:
సాయంత్రం 6:38 నుం. రాత్రి 8:23 వరకు
అభిజిత్:
ఉదయం 11:48-మధ్యాహ్నం 12:40
బ్రహ్మ ముహూర్తము:
ఉదయం 4:16-ఉదయం 5:00
మేషం:
సమావేశాలు, బృంద కార్యక్రమాలు ఆనందం కలిగిస్తాయి. ఉన్నత విద్యకు చేసిన ప్రయత్నాలు ఫలిస్తాయి. విద్యార్థులు లక్ష్యాలు చేరుకుంటారు. ప్రయాణాలు, చర్చలు శుభఫలితాలు అందిస్తాయి.
వృషభం:
ఆర్థిక వ్యవహారాల్లో పెద్దల సహకారం లభిస్తుంది. ఉద్యోగస్తులకు ప్రమోషన్లు, ఇంక్రిమెంట్లు అనుకూలిస్తాయి. అధికారుల మద్దతుతో పనులు పూర్తవుతాయి. ఉద్యోగ ప్రయత్నాల్లో విజయావకాశాలు ఉన్నాయి.
మిథునం:
ఉన్నత విద్య, విదేశీ ప్రయాణాలకు అనుకూల సమయం. సమావేశాల్లో కీలక పాత్ర పోషిస్తారు. చేపట్టిన పనులు సకాలంలో పూర్తవుతాయి. సంకల్పాలు నెరవేరి సంతృప్తి పొందుతారు.
కర్కాటకం:
ఆరోగ్యం మెరుగుపడుతుంది. గత అనుభవం లక్ష్యసాధనలో ఉపయోగపడుతుంది. ఫైనాన్స్, సేవారంగాల వారికి మంచి అవకాశాలు ఉంటాయి. దూరప్రయాణాలకు అవసరమైన ఏర్పాట్లు పూర్తవుతాయి.
సింహం:
పెట్టుబడులపై మంచి లాభాలు పొందుతారు. పోటీలు, స్టాక్ మార్కెట్ వ్యవహారాల్లో అనుకూలత ఉంటుంది. ప్రేమానుబంధాలు బలపడతాయి. సేవా కార్యక్రమాల్లో పాల్గొనడం శుభప్రదం.
కన్య:
ఉద్యోగ, వ్యాపార రంగాల్లో పురోగతి కనిపిస్తుంది. పెద్దల సహకారంతో లక్ష్యాలు సాధిస్తారు. సహోద్యోగుల మద్దతు లభిస్తుంది. చేపట్టిన పనులు విజయవంతంగా పూర్తవుతాయి.
తుల:
పెట్టుబడులు, పొదుపు పథకాలలో అనుకున్న ఫలితాలు వస్తాయి. క్రీడలు, మీడియా రంగాల వారికి అనుకూలంగా ఉంటుంది. విద్యాసంబంధిత పనులు పూర్తవుతాయి.
వృశ్చికం:
కుటుంబ సభ్యుల ఆరోగ్యం మెరుగుపడుతుంది. గృహరుణాలు మంజూరయ్యే అవకాశం ఉంది. పెట్టుబడులపై కీలక నిర్ణయాలు తీసుకుంటారు. వ్యాపారులకు ఆర్థికంగా లాభదాయకంగా ఉంటుంది.
ధనుస్సు:
వ్యాపార విస్తరణకు చేసిన ప్రయత్నాలు ఫలిస్తాయి. కొత్త పరిచయాలు ఉపయోగపడతాయి. భాగస్వామితో చర్చలు, ప్రయాణాలు ఆనందం కలిగిస్తాయి. సమావేశాలు ఉత్సాహాన్ని పెంచుతాయి.
మకరం:
ఆర్థిక విషయాల్లో సన్నిహితుల సహకారం లభిస్తుంది. ఉద్యోగస్తులకు ఇంక్రిమెంట్లు అందుతాయి. అదనపు ఆదాయ మార్గాలు కలిసివస్తాయి. పెట్టుబడులపై మంచి ప్రతిఫలాలు పొందుతారు.
కుంభం:
సృజనాత్మక ఆలోచనలు విజయవంతమవుతాయి. ప్రేమానుబంధాలు బలపడతాయి. విద్య, టెలివిజన్, ఆడిటింగ్ రంగాల వారికి కొత్త పనులు ప్రారంభించేందుకు అనుకూలంగా ఉంటుంది.
మీనం:
ఆందోళనలు తగ్గి మానసిక ప్రశాంతత లభిస్తుంది. ఇంటి నిర్మాణం, స్థల కొనుగోలు విషయాల్లో నిర్ణయాలు తీసుకుంటారు. కుటుంబ వ్యవహారాల్లో కీలక మార్పులు చోటుచేసుకుంటాయి.
