ఈ పపంచకంలనే పక్రుతిని ఆరాధించి, పువ్వులనే దేవుల్లుగ కొలిసే అరుదైన పండుగ బతుకమ్మ. గీ పండుగ తెలంగాణలనే కాదు. ఇగిప్పుడు గీ తెలంగాణోల్లు ఏడుంటే గాడ ఘనంగా జరుగుతాంది. ఒకప్పటి లెక్క గాకుండ, గీ పండుగను జనం బాగా జరుపుకుంటాండ్రు. మన దేశంలనే గాక, దేశ సరిహద్దులు దాటి యిదేశాల్ల గూడ గీ పండుగని జరుపుకుంటాండ్రు. గట్లనే గా మహారాష్ట్ర భివండిల గూడ బాగా జరుపుకుంటాండ్రు.
గా భివండిల మార్కండేయ మహాముని వాచనాలయ సమితి, స్వాభిమాన్ సేవా సంస్థలున్నయి. గియి కలిసి గా భివండిల పద్మానగర్ ల 25 అడుగుల బతుకమ్మను పెట్టిండ్రు. రంగురంగుల పువ్వులతోటి బతుకమ్మను పేర్సిండ్రు. ఇగ ఆడోల్లు ఆట పాటలతోటి యేడుక శేసిండ్రు. మన తెలంగాణోల్లతోటి గాడ ఉండేటోల్లంతా కలిసిపోయి గీ పండుగను జరుపుకుండ్రు. ఇగ గిదీంతోటి గా ప్రాంగణం పండగ శోభను సంతరించుకుంది. తెలంగాణ సంస్కృతి, సాంప్రదాయాలకు ప్రతీకగా నిలిచిన గీ బతుకమ్మ పండుగను గవాల్ల రాష్ట్రంల జరుపుకునుడు మస్తు ఆనందంగ ఉందని గక్కడ కార్పొరేటర్ సంతోష్ షెట్టి అన్నడు. ఇగ గీ పండుగ ముచ్చటకు ముఖ్య అతిథిగ భివండి కార్పొరేషన్ ప్రభాగ్ సమితి సభాపతి రజిత మోహన్ కొండా ఆజరైండ్రు.
