పటేల్ అంటే గ్రామాధికారి లేదా గ్రామ పెద్ద. సంస్కృత పదం ‘పట్టకిల’ అంటే, రాచరిక భూమికి యజమాని. గా గుజరాతీ పదం ‘పాట్’ అంటే భూమి ఆధారంగా గీ పదం పుట్టింది. గుజరాత్‌ల ‘పటేల్’ ఒక ఇంటిపేరు. ఎనకటికి గ్రామ రెవెన్యూ పనులు సూసే పెద్దలను పటేల్ అని పిలిచేటోల్లు. మరి గీ పటేల్ ను, గాయినే పటేల్ గిరిని సూడుండ్రి.
సుట్టూ పెద్దలంత, గా పిల్ల గాని ఎదురుగ కూసోని గౌరవంగ సూత్తాండ్రు. యినమ్రంగా కూసున్నరు. మరి గా పిల్లగాడే పటేల్! గా ఆదిలాబాద్ జిల్ల భీంపూర్ గ్రామ పటేల్. ఇంతకు ముందు పటేల్ గ ఉన్న గా పిల్ల గాని నాయిన ఇంద్రు సనిపోయిండు. వంశపారపర్యంగ శేపట్టే గా పటేల్ గిరి బాధ్యతను కుల పెద్దలు 13 ఏండ్ల వయసున్న గీ కుర్సెంగ జంగుకు అప్పగించిండ్రు. యుక్త వయసు వచ్చేదాకా మహాజన్, గటియా పదవులున్న గావాల్లు గా పిల్లవాడిని ముందు పెట్టీ.. గా పటేల్ పనులను సక్కబెడతరు. గట్లని గా పిల్లవాడి గౌరవానికి భంగం రానియ్యరు. గీ మద్దెల దండారీ ఉత్సవాల్ల గా ఊరికి ఒచ్చిన అతిథులకు గీ పిల్లగాడే సాగతం పలికిండాన్టే గా ఆదివాసీలు పటేల్ గిరికి ఎంత యిలువ ఇత్తరో సూడు0డ్రి. యిగిప్పుడు గా పిల్లవాడు జంగు తొమ్మిదో తరగతి సదువుతాండు.
