కుక్కకు కూడా ఓ రోజొస్తదన్నట్లు.. ఇగిప్పుడు కుక్కల రోజులొచ్చినయి.! కుక్కను గ్రామ సింహం అంటరు. ఇగిప్పుడు ఇంటింటికీ సింహమైందనుకోండ్లి! కుక్కలను గిప్పుడు మనుసుల కంటే మనుసులే మంచిగ సూసుకుంటాండ్లు. పాలు, పెరుగు, పండ్లు, డ్రైఫ్రూట్సు తినబెట్టి, పరుపుల్ల పండబెడ్తాండ్లు. కార్లే కాదుల్లా… ఏకంగా యిమానాలల్లో తిప్పుతాండ్రు. గందుకేనేమో మన హైదరబాద్ల ఉండే శంషాబాద్ యిమానాశ్రయంల కుక్కలు కూడా మనుసులతోటి కలిసే తింటానయి!? ఇదేం ఇచ్చెంత్రం? అనుకుంటాండ్రా? సూస్తే మీరే ఆశీరపోతరు.
యిమానాశ్రయాలల్ల మనుసులు కూసునేటందుకు, తినేటందుకు యేర్వేరు యేర్పాట్లుంటయి. ఇగ గా మనుసులు కూసుని తినే సోటికే ఓ కుక్క వచ్చింది. ఓ దిక్కు మనసులు తింటుంటే, మరోదిక్కు ఏకంగా టేబులెక్కి, మనసులు తిని పోయినంక మిగిలిన బొచ్చెలను నాక్కుంట ఉన్నది. ఇగ గదాన్ని సూసినోడు లేడు. కొట్టినోడు లేడు. ఎవలి పనిల వాళ్ళున్నరు. ఇగ గదాన్ని ఓకాయినె ఈడియ తీసి, నెట్టింట్ల పెట్టిండు. ఇగ గది సూసినోల్లు, గా యిమానాశ్రయపోల్లను కుక్కు తిట్లు తిడుతాండ్రు.!? గా కుక్క యిమానాశ్రయంల మనసులతో సమానమేనన్నట్లా? లేకపోతే గీ మనుసులే గా….. సమానమా? ఎవలికి ఎరుక?
