యెనకటికి ఓ సైకోలు మీదనో, మూడు గిర్రల బండి మీదనో.. ఓ గంట మోగేది. గది మెల్లెగా మన వాడల్లోకి వచ్చేది. ఇగ గది సూద్దుం గదా? గావాటి మీద ఎర్రగనో, గులాబీలోనో గాల్ల తేలిపోయే మొగుల్ల లెక్క రంగుల్ల కనబడేయి. దగ్గరకి పోదుం కదా? గా పిల్లగాల్లకు కాసంత గదిచ్చేటాయెన. ఇగ గది తిందుం గద… తియ్యగ, కమ్మగుండేది. గదేందంటే.. బూరు మిఠాయనేటోడు. ఇగ గదాన్ని పైస కానుంచి రూపాల దాకా పెట్టి తిన్న తరాలున్నయి. ఇగిప్పుడైతే గది మన వాడల్ల నల్ల పూసైందనుకోండ్లి. కనీ, గదాంతోటి ఓకామె కోట్లు సంపాయిత్తాందట. అవుమల్లా.. ఆశీరపోకుండ్రి మరి.
కొత్త ఆలోశెనెలకు సరికొత్త రుసులు తొడైనయి. గంతే, గామె గా బూరు మిఠాయితోనే కోట్లు కొల్లగొడ్తాంది. గదేంది? గా బూరు మిఠాయి గంత శేత్తదా అంటే అవుమల్ల… గదే జరిగింది. గీమె పేరు నిహారిక గొల్లపల్లె. గవాల్లింట్ల బువ్వ తిన్నంక మిఠాయిలు తినుడు అలవాటట. గదే గీ ఆలోశెనెకు అంకురమైందంట. గవాట్ల గా బూరు మిఠాయి గామెను మస్తు ఆకట్టుకుందంట. గట్లనే గా కేఎఫ్సీ, డొమినోస్ అనే కంపెనీలు తయారు శేసే పదార్థాలను బాగ పరీచ్చ శేసిందంట. ఇగ ఓ దోస్తుతో కలిసి, గా బూరు మిఠాయిల రకరకాల తినే పదార్థాలు కలిపి, ఓ కొత్త రుసిని తయారు శేసిందంట. గదాన్ని తన పెనిమిటి నడిపే ఓ తినే దుకుణంల పెట్టిందంట. జనాలు బాగా తింటాంటే సూసి, గదానికి గదేనుల్ల గా కాటన్ క్యాండీ.. బూరు మిఠాయికి 2018ల ‘ఈట్ కాన్ఫెట్టి’ అనే పేరు పెట్టిందంట. ఇగిప్పుడు గది ముంబయి, లఖ్ నవూ, విజయవాడ, విశాఖపట్నం, కాకినాడ, హైదరాబాద్… అసొంటి పట్నాలల్ల16 అవుట్లెట్లతోటి పాన్ ఇండియా స్థాయికి గా ‘ఈట్ కాన్ఫెట్టి’ విస్తరించిందింట. ఇగ పెట్టుబడికి పది రెట్ల లాభాలొత్తానయట. కొత్తగా ఆలోశిత్తే.. మత్తు లాభాలున్నయుల్లో.. !?
