వరంగల్: ఇంటి స్థలం కొనుగోలుకు డబ్బులు తీసుకుని ఇవ్వలేదంటూ ఓ మహిళా హోంగార్డ్పై ఆరోపణలు వెల్లువెత్తాయి. మహబూబాబాద్ పోలీస్ స్టేషన్లో విధులు నిర్వహిస్తున్న ఆమెపై వరంగల్ జిల్లాలోని ఏనుమాముల పోలీస్ స్టేషన్లో బాధితుడు రవీందర్ ఫిర్యాదు చేశారు.
రవీందర్ తెలిపిన వివరాల ప్రకారం, ఇంటి స్థలం కోసం డబ్బులు తీసుకున్న హోంగార్డ్, వాటిని తిరిగి ఇవ్వలేకపోవడమే కాకుండా, ఫోన్ చేసి విచారణ కోరినప్పుడు “ఏం చేసుకుంటావో చేసుకో” అంటూ బెదిరించారని పేర్కొన్నారు.
ఈ ఆరోపణలపై ఏనుమాముల పోలీసులు విచారణ ప్రారంభించారు. బాధితుడు ఫిర్యాదుతో ఈ ఘటనను దృష్టిలో పెట్టుకుని సంబంధిత అధికారులతో చర్చలు జరుపుతున్నారు.
