ఒక్కొక్కటి కలిత్తేనే వందైతయి. వేయైయితి. లచ్చలైతయి. గందుకే ఒక్కటే కదాని సిల్లరగ సూడొద్దు. సిల్లరే కదాని తక్కువ సేయొద్దు. సిల్లరగాడని తిడ్తం. సిల్లరని తక్కువ శేత్తే మాత్రం మనం సిల్లరైపోతం. కోట్లైనా ఒక్కటితో మొదలు కావాలె. ఒక్కొక్కటే ఎన్నో అయితయి మరి.
తెలంగాణల గా నల్లగొండల ఒకాయినె. సైకోల్ మోటర్ కొందామని గా షో రూంకు పోయిండు. సంచులకు సంచులే దించిండు. ఎన్ని రోజుల్నుంచి కూడ పెడ్తాండో గనీ, గయన్నీ పది రూపాయల బిల్లలే! ఇగ గంటల తరబడి గవాటిని లెక్క పెట్టిండ్రు. గా బిల్ల్ని పది పది సొప్పున కొప్పుగ పెట్టి లెక్క గట్టిండ్రు. లచ్చా 10 యేలైనయి. ఇగ తనకు కావాల్సిన గా సైకోల్ మోటార్ ను ఇయ్యిండ్రన్నడు. గదాన్నేసుకుని సక్కగ ఇంటికి పోయిండు. కట్టలకు కట్టలు పట్టుకుపోయే గీ రొజుల్ల, గా సిల్లరతోని బైకు కొన్నడన్నది నెట్టింట్ల పెట్టిండ్రు. ఇగ గది తెగ వైరలైతాంది. సిల్లరే గదాని తక్కువ సేయకుండ్రి సుమా!
