శ్రీ క్రోధినామ సంవత్సరం–ఉత్తరాయణం
శిశిరఋతువు-మాఘమాసం-కృష్ణపక్షం
తిధి బ.అష్టమి ఉదయం 08.25 వరకు
ఉపరి నవమి
నక్షత్రం అనూరాధ మధ్యాహ్నం 12.46
వరకు ఉపరి జ్యేష్ఠ
యోగం వ్యాఘాత ఉదయం 09.18 వరకు
ఉపరి హర్షణ
కరణం కౌలవ ఉదయం 08.13 వరకు
ఉపరి గరజి
వర్జ్యం సాయంత్రం 06.46 నుండి 08.28
వరకు
దుర్ముహూర్తం ఉదయం 08.24 నుండి
09.12 వరకు తిరిగి పగలు 12.24 నుండి
01.12 వరకు
రాహుకాలం ఉదయం 10.30 నుండి
12.00 వరకు
సూర్యోదయం ఉదయం 06.40
సూర్యాస్తమయం సాయంత్రం 06.05
ఫిబ్రవరి 21 శుక్రవారం 2025
రాశి ఫలితాలు
మేష
ఈ రోజు అనుకోని అవకాశాలు లభిస్తాయి. అన్ని విధాల అనుకూలమైన కాలం. ఆర్థికంగా ఒడిదుడుకులు తొలగుతాయి. ఆభరణాలు కొనుగోలు చేస్తారు.
వృషభ
నూతన విద్య, ఉద్యోగ అవకాశాలు పొందుతారు. జీవిత భాగస్వామి సలహాతో నూతన కార్యక్రమాలకు శ్రీకారం చుడతారు. దీర్ఘకాలిక రుణాల నుండి ఉపశమనం లభిస్తుంది.
మిథున
కుటుంబ సభ్యులతో కలిసి ఉల్లాసంగా గడుపుతారు. పెట్టుబడులకు తగిన లాభాలు లభిస్తాయి. ఆర్థికపరమైన లావాదేవీలు కొంత నిరాశపరిచినా, అవసరాలకు డబ్బు అందుతుంది.
కర్కాటక
భాగస్వామ్య వ్యాపారాలు నిదానంగా లాభిస్తాయి. ఉద్యోగాలలో స్వల్పమైన మార్పులు ఉంటాయి. అనుకున్న పనులలో స్వల్ప ఆటంకాలు ఎదురైనా అధిగమిస్తారు.
సింహ
అరుదైన ఆహ్వానాలను అందుకుంటారు. సాంకేతిక విద్యలపై దృష్టిని సారిస్తారు. ఆస్తి వివాదాలు పరిష్కారమై దీర్ఘకాలిక సమస్యలు తీరతాయి. వివాదాలకు, కోపతాపాలకు దూరంగా ఉండండి.
కన్య
ఆర్థిక పరిస్థితి మెరుగుపడుతుంది. సన్నిహితుల నుండి ధన, వస్తు లాభాలను పొందుతారు. మీ పరపతి ఉపయోగించవలసిన పరిస్థితి ఏర్పడుతుంది. పనులలో తొందరపాటు వద్దు.
తుల
వృత్తి వ్యాపారాలు లాభసాటిగా సాగుతాయి. క్రయవిక్రయాలలో మధ్యవర్తిత్వాలకు తావివ్వకండి. జీవితం ఒకే విధంగా సాగుతున్నట్లు భావిస్తారు. కొత్తదనాన్ని కోరుకుంటారు.
వృశ్చిక
ఆదాయ వ్యయాలు సరిసమానంగా ఉంటాయి. ఆరోగ్యం విషయంలో తగిన జాగ్రత్తలు అవసరం. మిమ్మల్ని పొగడ్తలతో ముంచెత్తి తమ పనులను చక్కబెట్టుకునే వారిపట్ల జాగ్రత్త వహించండి.
ధనుస్సు
అనుకున్న పనులు కొంత జాప్యం మీద పూర్తిచేస్తారు. స్థిరాస్తి వివాదాలు తీరి లబ్ధిని పొందుతారు. సంఘంలో గౌరవం లభిస్తుంది. ఒకానొక కోరిక నెరవేరుతుంది. కాంట్రాక్టులు దక్కుతాయి.
మకర
సన్నిహితుల సహాయంతో ముందుకు సాగుతారు. వృత్తి వ్యాపారాలలో ఆటంకాలు ఎదురైనా అధిగమిస్తారు. ఉద్యోగులకు అనుకూలమైన కాలం. స్త్రీలతో విభేదాలు ఏర్పడకుండా జాగ్రత్తలు వహించండి.
కుంభ
మీపై నిష్కారమైన వైరాన్ని ప్రదర్శిస్తున్న వారికి తగు సమాధానాలు చెప్పగలుగుతారు. కీలకమని భావించిన వ్యవహారాలు సానుకూలపరుచుకోవడానికి మీరు చేసే ప్రయత్నాలు అనుకూలిస్తాయి.
మీన
ఇతరులకు సంబంధించి మీ వద్ద ఉన్న వస్తు భద్రత పట్ల జాగ్రత్త వహించండి. సుదీర్ఘమైన ఉత్తర ప్రత్యుత్తరాలు సాగిస్తారు. సహచరులను, మిత్రులను, సిబ్బందిని కార్యోన్ముఖులను చేయడానికి అమితంగా శ్రమిస్తారు.
