మనం బంగారం, నగలు ఏడ కొంటం? ఔసలోల్ల దగ్గర, బంగారం దుకాణాల్ల కొంటం .పెద్దపెద్ద దుకాణాలకు కూడా పోయేటోల్లు ఉంటరు. కానీ, గీ మూడు ముఖ్యమైన ముచ్చట్లు పట్టించుకోం. కానీ మన సర్కార్ బ్యూరో ఆఫ్ ఇండియన్ స్టాండర్డ్స్ (బిస్) కొన్ని నిబంధనలు పెట్టింది. గదె హాల్ మార్కింగ్ యిదానం. ఇంతకు గా హాల్ మార్కింగ్ అంటే ఏ0దో? బంగారం కొనుగోలు చేసే ముందు ఏమేం సెయాల్నో సూద్దమా?
బంగార0 నగల స్వచ్చతను తెలుసుకొనేట0దుకు ‘హాల్మార్క్’ యిధానాన్ని బిస్ రూపొందించింది. దీని ఆధారంగా నగపై ముద్రించిన మూడు ముఖ్యమైన అంశాల్ని పరిగణనలోకి తీసుకోవాలె. మొదటిది స్వచ్ఛత గ్రేడ్. రె 0డోది బిస్ స్టాండర్డ్ మార్క్. మూడోది హెచ్ యు ఐ డి.
2021 నుంచే బంగారు నగలపై ఈ హాల్మార్కింగ్ను ప్రభుత్వం తప్పనిసరి చేసింది.
స్టాండర్డ్ లోగో: గిది త్రిభుజాకారంలో ఉండే గురుతు. గా నగని సర్కార్ నిబంధనల ప్రకారం తనిఖీ చేసినమని, గండ్ల వాడిన బంగారం ప్రామామాణికమైనదని లెక్క.
క్యారట్లలో స్వచ్ఛత: గా బంగారం నగ మీద ముద్రించిన క్యారెట్స్ అంకెను పరిగణనలోకి తీసుకోవడం తప్పనిసరి. 24 క్యారట్ల బంగారాన్ని వంద శాతం స్వచ్చమైనదిగ భావిస్తరు. అయితే, గా బంగారంతోటి నగల తయారీ సాధ్యం కాదు గనక వెండి, రాగి, జింక్ వంటి ఇతర లోహాల్ని కలుపుతరు. గా నగల్లో అసలు బంగారం ఎంత? గండ్ల కలిపిన ఇతర లోహాల మోతాదు ఎంత? అనేదానికి గీ లెక్క.
ఇగ ఇండ్ల 22K916 (91.6% స్వచ్ఛమైన బంగారం). దీన్ని సాధారణ నగలకు ఉపయోగిస్తరు. 18K750 (75% స్వచ్ఛమైన బంగారం) వజ్రాల నగలకు వినియోగిస్తరు. 14K585 అంటే ఇగ ఇండ్ల 58.5 శాతం మాత్రమే బంగారం ఉంటుందని అర్థం.
హెచ్ యు ఐ డి నంబర్ కీలకం: బంగారు నగ మీద ఉండే హెచ్ యు ఐ డి (హాల్మార్క్ యునిక్ ఐడెంటిఫికేషన్) నంబర్ కూడా అవసరమే. ప్రతి నగల వ్యాపారి ఈ ఆరంకెల ఆల్ఫాన్యూమరిక్ ఉన్న నగల్నే అమ్మాలని సర్కార్ చెబుతోంది. ప్రతి మనిషికి ఆధార్ ఉన్నట్లే ప్రతి నగకు ఒక ప్రత్యేకమైన హెచ్ యు ఐ డి నంబరును కేటాయిస్తరు. గీ కోడ్ సాయంతోటి కొనుగోలు చేసే బంగారం స్వచ్ఛమైందో, కాదో స్వయంగా తనిఖీ చేసుకోవచ్చు. ఇగ ఇందుకోసం బిస్ కేర్ అనే యాప్ కూడా అందుబాటులో ఉంది. యాప్ ఓపెన్ కావ0గనే ‘Verify HUID’ అని కనిపించే ఆప్షన్పై ఒత్తాలే. ఆపై బంగార0 నగ మీద ఉన్న HUID నంబర్ ని అందుల కొట్టాలే. గండ్ల గా నగకు సంబంధించిన హాల్మార్కింగ్ వివరాలన్నీ ఓ కాగితం లా కన బడతయి. హాల్మార్క్ చేసిన కేంద్రం, నగలు, దాని స్వచ్చత..స్వయంగా తెలుసుకోవచ్చు.
