పుష్య అమావాస్యను పురస్కరించుకుని ఆదిలాబాద్ జిల్లా ఇంద్రవెల్లి మండలం కేస్లాపూర్లో ప్రారంభమవుతున్న నాగోబా జాతరకు సీఎం రేవంత్ రెడ్డి శుభాకాంక్షలు తెలిపారు. ఈ జాతరను తెలంగాణ సాంస్కృతిక వైభవానికి ప్రతీకగా అభివర్ణించారు.
నాగదైవం కరుణాకటాక్షాలు అందరి జీవితాల్లో శ్రేయస్సు నింపాలని ఆకాంక్షిస్తూ, జాతరకు విచ్చేసే భక్తులకు సీఎం మద్దతు వ్యక్తం చేశారు. ఈ రోజు రాత్రి మెస్రం వంశీయులు నాగోబాకు మహాపూజ నిర్వహించనున్నారు. జనవరి 28న ప్రారంభమైన ఈ జాతర ఫిబ్రవరి 4 వరకు కొనసాగుతుంది.
