పట్టాలపైకి దూసుకువచ్చే వందే భారత్ స్లీపర్ రైళ్లు

దేశ రైల్వే సర్వీసుల్లో ప్రవేశించేందుకు సిద్ధమైన వందే భారత్ స్లీపర్ రైళ్ల నిర్వహణ పరీక్షలను భారత రైల్వే శాఖ విజయవంతంగా నిర్వహిస్తున్నారు. రైల్వే మంత్రి అశ్వినీ వైష్ణవ్ మీడియాతో మాట్లాడుతూ… 180 కిలోమీటర్ల వేగంతో రైలు సాఫీగా ప్రయాణించిందన్నారు. రాజస్థాన్‌లోని కోటా-లబాన్ స్టేషన్ల మధ్య ఈ ట్రయల్ రన్ నిర్వహించారు. న్యూఢిల్లీ-పూణే, న్యూఢిల్లీ-శ్రీనగర్ మార్గాల్లో వీటిని నడపనున్నారు. ప్రస్తుతం రైలు 130 నుంచి 180 కిలోమీటర్ల వేగం వరకు పరీక్షల్ని పూర్తి చేసింది. మొత్తం 16 బోగీలతో ఉండే ఈ స్లీపర్ రైల్లో థర్డ్, సెకండ్, ఫస్ట్ ఏసీ క్లాసులు, లగేజీ బోగీలు అందుబాటులో ఉండనున్నాయి. మరికొన్ని నెలల్లో వందే భారత్ స్లీపర్ రైళ్లు సేవలందించనున్నాయి.