శీమె శీమె ఏం సేత్తానవే? అంటే, శిటుక్కున కుడ్తానా అన్నదట! గది యెనకటికి గనీ. గిప్పుడు అడిగి సూడుండ్లి. బంగారం ఎత్కపోతాన అంటయి!! గదేంది? ఎందుకంటయి గట్ల? బంగారం ఎవలికి శేదు? శీమెలకు మాత్రం శేదా ఏంది?
ఇగో ఓ బంగారం దుకునంల ముక్కుపుల్లలు, గొలుసు కనబడ్లే. ఏమై ఉంటయని సూత్తే.. సోల్పూత పోతాన శీమెలు కబడ్డయి. గవాట్ని సూత్తె.. గవి గా బంగారాన్ని ఎత్కపోతానయి. ఒక ముక్కుపుల్లనైతే ఒక్కటే శీమె గుంజుకుపోతాంది. ఇగ గవాటికి గంత గంత పెద్ద గొలుసులు ఎత్కపోవుడు ఎవడు నేర్పిండో గనీ, గా పెద్ద గొలుసును, అటిన్ని, ఇటిన్ని శీమెలు కలిసి ఒక్క తీర్గత పట్కపోతానయి. ఇగ గది సూసినోడు సూడక, మెల్లెగ ఈడియో దీసిండు. గదాన్ని గా సొసల్ మీడియల బెట్టిండు. ఇగ దాన్ని ఒకటే సూసుడు. పక్కోనికి పంపుడు. కామెంట్లు సేసుడు. యే, గయన్ని ఆడ శీమెలు తీయ్! కాకపోతే గా బంగారాన్నెందుకు ఎత్కపోతయ్? గిన్ని రోజులు ఒక్క ఆడోల్లకే బంగారమంటే ఇట్టమని అనుకున్నం. గనీ, గీ పపంచంల ఆడి పాణిలకు గూడ గీ బంగారమంటే పానమని గిప్పుడే తెలిసింది!
