రక్త సంబంధీకులు, కుటుంబ సభ్యులకంటే గూడా దంటగాల్లే ఎక్కువ అంటరు. ఎవలికీ శెప్పుకోలేనివి గా దంటగాల్లకు శెప్పుకుంటరు. గవాల్లు గూడా బాగా సూసుకుంటరు. నీ గురించి అన్నీ తెలిసి కూడా నిన్ను ప్రేమించేవాడు, ప్రపంచమంతా నిన్ను వదిలేసినా, నిన్ను వదిలి పెట్టకుండ నీతోటే ఉండేటోడే నిజమైన దంటగాడు అంటరు. గసొంటోడే గీ దంటగాడు.
నలుగురు దంటగాండ్లు మంచిగ తిర్గటానికి పోయిండ్రు. స్పీడ్ బోట్ ఎక్కిండ్రు. యేగంగా పోతాండ్రు. గండ్లకెల్లి ఒకడు పట్టుతప్పిండు. గా నీల్లల్ల పడ్డడు. గాయినెకు ఈత రాదు. నీల్ల లోపల మునిగి తేలుకుంట ఆగమాగం కొట్టుకుంటాండు. సిడెం సేపట్లనే గా పక్కనున్న దంటగాడు గా నీల్లల్ల దునికిండు. మునిగిపోతున్న గా దంటగాడ్ని పట్టుకొని బతికిచ్చిండు. గిదీన్ని ఈడియి తీసిండ్లు. గిదంత నిజమేనని, అబద్ధమని కొందరు, కావాలనే గట్ల యీడియ శేసిండ్రని కొందరు అంటాండ్లు. ఎట్లైతేంది కనీ, గీ ఈడియ నెట్టింట్ల తెగ వైరలైతాంది.
