ఆ ఎమ్మెల్యేపై కాంగ్రెస్ కార్యకర్తల తిరుగుబాటు

తుంగతుర్తి నియోజకవర్గంలో కాంగ్రెస్‌ ఎమ్మెల్యే మందుల సామెల్‌పై పార్టీ కార్యకర్తల్లో అసంతృప్తి నెలకొంది. మోత్కూరు పట్టణంలో జరిగిన సమావేశంలో కార్యకర్తలు తమ సమస్యలను పట్టించుకోవడం లేదని, ఒంటెద్దు పోకడ వ్యవహరిస్తున్నారని మండిపడ్డారు. నియోజకవర్గంలోని తొమ్మిది మండలాల నుంచి హాజరైన కాంగ్రెస్ నాయకులు ఎమ్మెల్యే వ్యవహారశైలిపై ఆగ్రహం వ్యక్తం చేశారు. ముఖ్యంగా, ఎస్సీ కార్పొరేషన్ చైర్మన్ నాగరిగారి ప్రీతమ్ హాజరై కార్యకర్తల సమస్యలను విన్నారు. పార్టీ కోసం కృషి చేసిన కార్యకర్తలను పట్టించుకోకుండా, వారితో సంప్రదింపులు లేకుండా నిర్ణయాలు తీసుకోవడం ఆమోదయోగ్యం కాదని నాయకులు అన్నారు. ఎమ్మెల్యే తీరుపై ఉన్న అసంతృప్తిని అధిష్టానం దృష్టికి తీసుకెళ్లాలని నిర్ణయించుకున్నారు. కాంగ్రెస్ కార్యకర్తల్లో విభేదాలు తలెత్తడం పార్టీ భవిష్యత్తుపై ప్రభావం చూపుతుందేమో అనే ఆందోళన వ్యక్తమవుతోంది.