Data Protection|డేటా భద్రతకు అధిక ప్రాధాన్యత|Main Importance
Twitter|ట్విట్టర్ సహవ్యవస్థాపకుడు జాక్ డోర్సే రూపొందించిన కొత్త కమ్యూనికేషన్ యాప్ బిట్చాట్ మెష్| BitChat Mesh ఇప్పుడు I Phone Users| ఐఫోన్ యూజర్లకు అందుబాటులోకి వచ్చింది. ఈ యాప్ ప్రత్యేకత ఏమిటంటే, ఇది పూర్తిగా ఇంటర్నెట్ అవసరం లేకుండా పనిచేస్తుంది. బ్లూటూత్ ఆధారంగా సమీప యూజర్లతో మెష్ నెట్వర్క్ను ఏర్పరచి, మెసేజింగ్ చేయడానికి వీలు కల్పిస్తుంది. యాప్ స్టోర్లో ఇప్పటికే ఈ యాప్ అందుబాటులో ఉంది. ప్రత్యేకత ఏమిటంటే, ఈ యాప్లో ఎలాంటి వ్యక్తిగత వివరాలు అవసరం ఉండవు. అంటే మీ పేరు, ఫోన్ నంబర్, ఈమెయిల్ అడగదు. రిజిస్ట్రేషన్ ప్రక్రియ లేకుండానే ఈ యాప్ను వాడుకోవచ్చు. బిట్చాట్ మెష్ యాప్ లో పంపే సందేశాలన్నీ ఎండ్ టూ ఎండ్ ఎన్క్రిప్షన్ తో సురక్షితంగా ఉంటాయి. దీనికోసం నాయిస్ ప్రోటోకాల్ ఫ్రేమ్వర్క్ ఉపయోగిస్తున్నారు. ఇక చాటింగ్ డేటా అంతా మీ ఫోన్లోనే లోకల్గా స్టోర్ అవుతుంది. కొద్ది రోజుల్లో అది ఆటోమేటిక్గా డిలీట్ అయిపోతుంది. బ్యాకప్ సిస్టమ్ లేదు కనుక మీ డేటా మళ్లీ ఎక్కడా లభించదు. అంటే పూర్తిగా గోప్యతకు ప్రాధాన్యత ఇచ్చేలా యాప్ డిజైన్ చేశారు.
ఈ యాప్లో యూజర్లు తమకు ఇష్టమైన కాంటాక్ట్లను ఫేవరెట్స్గా సెటప్ చేయొచ్చు. అవసరం లేని కాంటాక్ట్లను బ్లాక్ చేయొచ్చు. యాప్ ఇంటర్ఫేస్ చాలా సులభంగా ఉంటుంది. ఎవరూ మిమ్మల్ని ట్రాక్ చేయలేరు, మీ మెసేజ్లను చూడలేరు. ఇది గోప్యతకు ప్రాముఖ్యత ఇచ్చే వారికి ఎంతో అనుకూలంగా ఉంటుంది. ప్రకృతి వైపరీత్యాలు, భారీ వర్షాలు, వరదలు, టెలికం సేవల అంతరాయం వంటి అత్యవసర పరిస్థితుల్లో బిట్చాట్ మెష్ యాప్ బాగా ఉపయోగపడుతుంది. ఇంటర్నెట్ అవసరం లేకుండా బ్లూటూత్ ఆధారంగా సమీప వ్యక్తులతో కమ్యూనికేట్ చేయవచ్చు.
అయితే డెవలపర్లు కొన్ని హెచ్చరికలు కూడా జారీ చేస్తున్నారు. ఈ యాప్ ఓపెన్ సోర్స్ ప్రాజెక్ట్లో అభివృద్ధి చేశారు. ఇప్పటివరకు భద్రతా నిపుణులు దీన్ని సమగ్రంగా పూర్తిగా పరీక్షించలేదు. అందువల్ల ప్రైవేట్, అత్యంత సున్నితమైన చాటింగ్ కోసం ప్రస్తుతానికి వాడొద్దని హెచ్చరిస్తున్నారు. భవిష్యత్లో మరింత భద్రతా ఫీచర్లు రాగానే పూర్తిస్థాయిలో వాడుకోవచ్చని సూచిస్తున్నారు.
ఇప్పుడు ఇది iOS 16 మరియు ఆ తర్వాతి వెర్షన్లను సపోర్ట్ చేస్తోంది. ఐఫోన్, ఐప్యాడ్, విజన్ ప్రో వంటి ఆపిల్ డివైజ్లపై మాత్రమే పనిచేస్తోంది. ఇక ఆండ్రాయిడ్ యూజర్ల కోసం కూడా దీన్ని త్వరలో విడుదల చేయనున్నట్టు సమాచారం ఉన్నా, ఖచ్చితమైన తేదీ మాత్రం వెల్లడించలేదు. మొత్తంగా చెప్పాలంటే, గోప్యతకు ప్రాధాన్యతనిచ్చే, ఇంటర్నెట్ లేకుండా పని చేసే మెసేజింగ్ యాప్ కావాలని కోరుకునే వారికి బిట్చాట్ మెష్ మంచి ఎంపిక కావచ్చు.
