బహుజన మేధావి, సీనియర్ జర్నలిస్ట్, ప్రొఫెసర్ యాదనాల ప్రభంజన్ కుమార్ యాదవ్ గారి సంస్మరణ సభ రేపు(26-07-2025, శనివారం) నిర్వహిస్తున్నాం. వారి మిత్రులు, శ్రేయోభిలాషులు, శిష్యులు, అభిమానులు హాజరై వారితో ఉన్న అనుబంధాన్ని గుర్తు చేసుకోవాల్సిందిగా విజ్ఞప్తి.
-కుటుంబసభ్యులు, బంధుమిత్రులు.
……
బీసీపథమే
కార్యాచరణమని
బీసీ జోతిని వెలిగించి శపథం చేసావు
గొర్రెపిల్లలు పార్లమెంట్ మెట్లెక్కకముందే
బీరప్ప గొంగడి జెండా ఎగరకముందే
కాటమయ్య కొమురయ్యల కత్తి రాజముద్రిక కాకముందే
ఉద్యమ బండిగిల్ల పట్టూడిపోయే !
బీసీ కన్ను అదిరిపోయే!!
◆ బహుజన మేధావి
ప్రభంజన్ గారికి విప్లవ జోహార్లు!
అంటూ దివంగత ప్రొఫెసర్ యాదనాల ప్రభంజన్ కుమార్ యాదవ్ పై ప్రముఖ కవి వనపట్ల సుబ్బయ్య రాసిన కవిత
బహుజన ప్రభంజన్!
కోడికూతలా
ఉదయమే నీ పాట
మేల్కొల్పే బీసీ పాట
సంధ్యపొద్దులా
జీవితాంతం బీసీ సూర్యోదయమే !
బీసీ బడులు
బీసీ క్లాసులు
బీసీ తాత్వికతలు
బీసీ మహాసభలు
బీసీ రాజ్యాధికారాలు
బీసీ మహాసంగ్రామానికి పగిడి
స్వాతంత్ర్యంలో
స్వాతంత్ర్యానికై
ఉక్కుపిడికిలెత్తిండు
బడుగులే జనమని
రచనలతో రాజీలేని కలం
వేదికలన్నైనా
బహుజనమే వాయిస్
బడుగుల హితమే
ప్రభంజన్ మతమని
బహుజనమే
భారతదేశమని వెలుగెత్తి చాటాడు
అమాయక బీసీలం కాము
పనికిరాని పుల్లలం కాము
అగ్గిపుల్లని తయారు చేసినాము
అగ్గిపెట్టెలో ఆరుగజాల నేతను నేసినాము
గొర్లను మేపే గొల్లలమే కాదు
దేశ ఆరోగ్యానికి మాంసం అందించాం
సహస్రవృత్తులు మా చేతికళలని
చైతన్యపు బోధనలతో
మాకు సోయి నేర్పావు
బీసీ రక్తం ఎక్కించావు
ఎర్రకోటపై
బీసీల జెండా ఎగరాలని కలగన్నావు
అంతిమ సమరంపై
పనిముట్లకు పదునెక్కించమన్నావు
బహుజన జయకేతనం ఎగిరే దాకా
మహత్మా పూలే అంబెద్కర్ రథాన్ని దిగనన్నావు
అన్యాయ భారతంలో
విముక్తిదారిని ఎత్తి చూపావు
ప్రతి బీసీ
బహుజన జండా కావాలని శపథం పట్టావు
ఆధిపత్యాలు
ముక్కలు కాకుంటే
అట్టడుగు కులాలకు న్యాయం దక్కదన్నావు
సామాజిక న్యాయాల రణభేరికి
ఉరిమావు డోలు డప్పై
బీసీపథమే
కార్యాచరణమని
బీసీ జోతిని వెలిగించి శపథం చేసావు
గొర్రెపిల్లలు పార్లమెంట్ మెట్లెక్కకముందే
బీరప్ప గొంగడి జెండా ఎగరకముందే
కాటమయ్య కొమురయ్యల కత్తి రాజముద్రిక కాకముందే
ఉద్యమ బండిగిల్ల పట్టూడిపోయే !
బీసీ కన్ను అదిరిపోయే!!
◆ బహుజన మేధావి
ప్రొఫెసర్ ప్రభంజన్ యాదవ్ గారికి విప్లవ జోహార్లు!
వనపట్ల సుబ్బయ్య
16.07.2025
9492765358
