TELANGANA|తెలంగాణ ప్రభుత్వం ప్రతిష్టాత్మకంగా అమలు చేస్తున్న ఇందిరమ్మ ఇళ్ల పథకంలో లబ్ధిదారులకు మరింత సులభతరం చేసేలా ఒక కీలక ONLINE| ఆన్లైన్ సదుపాయాన్ని అందుబాటులోకి తెచ్చింది. ఇకపై లబ్ధిదారులు ప్రభుత్వ కార్యాలయాల చుట్టూ తిరగాల్సిన అవసరం లేకుండానే తమ ఇళ్ల నిర్మాణం, బిల్లుల చెల్లింపు సంబంధిత పూర్తి INFORMATION| సమాచారాన్ని ఇంట్లో నుంచే తెలుసుకోవచ్చు.
ఇప్పటివరకు చాలా మంది లబ్ధిదారులు తమ ఖాతాలో నిధులు జమ అయ్యాయా లేదా అని తెలుసుకోవటానికి సంబంధిత కార్యాలయాలకు వెళ్లి ఇబ్బందులు ఎదుర్కొంటున్నారు. ఈ సమస్యను దృష్టిలో ఉంచుకొని, రాష్ట్ర గృహ నిర్మాణ శాఖ ప్రత్యేక చర్యలు చేపట్టింది. వెబ్సైట్లో కొత్త ఆప్షన్లు జోడించడం ద్వారా లబ్ధిదారులు తమ ఇంటి పురోగతి, బిల్లుల చెల్లింపు వివరాలు, ఆగిపోయిన పరిస్థితులు వంటి అన్ని అంశాలను స్పష్టంగా తెలుసుకోవచ్చు.
ప్రభుత్వం గుర్తించిన లబ్ధిదారులు ఇంటి పనులను పూర్తి చేసే దిశగా ముందుకు సాగుతుండగా, ప్రభుత్వం కూడా పనుల ప్రగతిని అనుసరించి నిధులను విడుదల చేస్తోంది. ప్రతి సోమవారం బిల్లుల చెల్లింపులు నిరంతరంగా కొనసాగుతున్నాయి. అయితే, బిల్లులు జమ అయ్యాయా లేదా అని ధృవీకరించుకోవటానికి లబ్ధిదారులు ఆఫీసుల వద్దకు రావడం వల్ల సమయం, శ్రమ వృథా అవుతుందని అధికారులు తెలిపారు.
ఈ సమస్య పరిష్కారానికి ప్రభుత్వం http://indirammaindlu.telangana.gov.in వెబ్సైట్ను మాడిఫై చేసి, లబ్ధిదారులు నేరుగా ఆన్లైన్లోనే స్టేటస్ చెక్ చేసుకునేలా సౌకర్యం కల్పించింది. హోమ్పేజీలో స్టేటస్ ఆప్షన్పై క్లిక్ చేసి, ఆధార్ నెంబర్, మొబైల్ నెంబర్, ఫుడ్ సెక్యూరిటీ కార్డ్ నెంబర్ లేదా అప్లికేషన్ నెంబర్ వంటి వివరాలను నమోదు చేసి సబ్మిట్ చేస్తే, ఇంటి నిర్మాణ పురోగతి మరియు బిల్లుల చెల్లింపుల పూర్తి సమాచారం స్క్రీన్పై ప్రత్యక్షమవుతుంది.
ఈ ఆన్లైన్ సదుపాయంతో లబ్ధిదారులు తరచూ ప్రభుత్వ కార్యాలయాలకు వెళ్లాల్సిన అవసరం లేకుండా, ఎక్కడి నుంచైనా తక్షణ సమాచారాన్ని పొందవచ్చు. ఇదే కాకుండా, ఇందిరమ్మ ఇళ్ల పథకానికి సంబంధించిన సందేహాలు నివృత్తి చేయడం, ఫిర్యాదుల స్వీకరణ కోసం ప్రభుత్వం 040-29390057 టోల్ ఫ్రీ నెంబర్ను కూడా అందుబాటులోకి తెచ్చింది.
ప్రభుత్వం తీసుకొచ్చిన ఈ కొత్త డిజిటల్ సదుపాయంతో పథకం పారదర్శకత, వేగం పెరగడం తో పాటు, లబ్ధిదారుల సమయం, శ్రమలు గణనీయంగా ఆదా కానున్నాయి. ఇకపై ఒక్క క్లిక్తోనే తమ ఇంటి నిర్మాణం ఏ దశలో ఉందో, బిల్లులు ఎప్పుడు విడుదలయ్యాయో, చెల్లింపులు ఏ పరిస్థితిలో ఉన్నాయో లబ్ధిదారులు తెలుసుకోవచ్చు. ఈ నిర్ణయం లబ్ధిదారులకు ఎంతో మేలు చేస్తుందని అధికారులు చెప్తున్నారు
ఆ వెబ్సైట్ లింక్ ఇదే…
క్లిక్ చేసి మీ ఇందిరమ్మ ఇండ్ల స్టేటస్ తెలుసుకోండి..
