ఆలుమొగల బంధం పాలునీల్ల లెక్క కలిసిపోయేది. ఎంతో యిలువైంది. వందేండ్ల పానాలకు నూరేండ్ల అనుబంధం. కానీ గా పెనిమిటి, పెండ్లాంల జీవితాలు కుక్కలు శింపి, ఇసిరేసిన ఇస్తరిలెక్కైతానయి. శీటికి మాటికి శిల్లర పంచాయితీలు, మాట మీరితే ఇడుపుకాయితాల దాకా పోతానయి. గిట్ల పెండ్లైందో లేదో, గట్ల పుటుక్కున తెగిపోతానయి. గసొంటిదే గీ ఆలుమొగల పంచాయితీ. గా పెండ్లం మీద, గీ పెనిమిటేం శేసిండో సూడుండ్రి.
మధ్యప్రదేశ్ ల శివపురి జిల్లా బిజ్రావాన్ల గా భార్యలు తమ భర్త శేమం, కుటుంబ శేయస్సు కోసం మస్తు నిష్ఠతోటి కర్వాచౌత్ అనే రతాన్ని ఆచరిత్తరు. కనీ, గా మిథిలేశ్ ఆదివాసీ అనేటాయెనె పెండ్లం కావాలనే గా రతం చేత్తలేదట. పైగా గా రతం నేనెందుకు సేత్త? అని నిరాకరిత్తాందని గా బరేలాల్ ఆదివాసీ పోలీసులకు ఫిర్యాదు శేసిండు. గా రకంగా గామె తనకు నమ్మక ద్రోహం శేయాలని సూత్తాందని అంటాండు. గామె గీ పద్ధతి మార్సుకోకపోతే యిడుపు కాయితం ఇత్తానంటాండు. గంతేకాదు తన పెండ్లం మీద తగిన శర్యలు తీసుకోవాలని గా పోలీసులను కోరిండు. గీ ఇంత ఫిర్యాదుతో ఇస్తుపోయి, శేసేది లేక, గా ఆలుమొగలకు ఓ మహిళా పోలీస్ అధికారిణితోటి కౌన్సెలింగ్ ఇప్పించడానికి ఏర్పాట్లు శేత్తాండ్లంట. ఇగో ఆలుమొగలన్నంక శిన్నశిన్న అలుకలు, లుకలుకలుంటయి. గవాటిని ఒకర్నొకరు అర్థం శేసుకుని బతకాలె. గిట్లైతే కాదుల్లా!
