సిల్లరని సిల్లరగా సూత్తం. ‘సిల్లరగా!’ అని సిల్లరగ తిడ్తం. గా సిల్లరనే సిల్లరగ సూసే రోజులు పోయినయి. గా సిల్లరే పదులు, ఎయ్యిలు, లచ్చలు, కోట్లు అయితయి. గందుకే ఒక్కొక్కటి నూటొక్కటి అయితయి అన్నరు. గట్లనే గా మద్దెల ఓ రైతు బిడ్డ సిల్లరతోటి ఏకంగా కారే కొన్నడు. గిప్పుడు గీ అన్న గా సిల్లరతోటి ఓ స్కూటర్ కొన్నడు. గదెక్కడో సూద్దాం పాండ్రి.
గీయినె పేరు బొడ్డు రవి జోసెఫ్. గియినెది మంచిర్యాల జిల్ల. గీయినె మూడేండ్లుగ పది రూపాయెల బిల్లలను సేకరిత్తాండు. గట్ల గవాటిని 1 లచ్చా 23 యేలు అయ్యేదాకా ఒక్కదగ్గరేసిండు. స్కూటర్ కావాల్నని, గా స్కూటర్లను అమ్మే రమేశ్ తానికి పోయిండు. గీ ముచ్చట చెప్తే, గా పైసల్ని తెమ్మన్నడు. గవాటిని లెక్కగట్టి, గాయినెకు గా స్కూటర్ ఇచ్చిండ్లు. గదే మరి సిల్లర అని సీప్ గ సూడకుండ్రి. కావాల్నంటే మీరూ కూడేయ్యిండ్రి. మంచిగ మీకు నచ్చిన వస్తువును కొనుక్కోండ్రి.
