ఆశకు అంతుండాలంటరు. అత్యాశకు పోతే ఒక్కోపాలి పానమే పోతది. గట్లనే అయింది గీ ఇద్దరి దోస్తుల పని. యూ ట్యూబ్ సూసి, బంగారం కోసం ఓ సొరంగంలకి పోయి పానం మీదికి తెచ్చుకున్నర గీ దోస్తులు. గదేందో తెలుసా?
శ్రీ పొట్టి శ్రీరాములు నెల్లూరు జిల్లా బుచ్చిరెడ్డి పాలెం గా ప్రభాకరరెడ్డి, పల్లిపాలెం గీ కిష్టయ్యలు మంచి దోస్తులు. యూట్యూబ్ల శ్రీసత్యసాయి జిల్ల రామగిరి బంగారు గనుల గురించి యీడియ సూసిండ్రు. గాడైతే బంగారం ఊకెనె దొరుకుతుందనుకున్నరు. ఇగ పార, పలుగు పట్టుకుని గా రామగిరి బంగారం గనులకు సేరుకున్నరు. సోమారం రాత్రి 10.30 గంటలకు గతంల బంగారం బయటికి తీసిన సొరంగాన్ని దొరకబట్టిండ్రు. గా ప్రభాకరరెడ్డి తాడు పట్టుకుని మెల్లెగ గా సొరంగంలకి దిగిండు. అంతా కారు సీకటి, గాలి ఆడక పైకి రావాలని తొక్కులాడిండు. కనీ గాయన్నుంచి కాలె. ఇగ దిక్కుతోసక, గా బయట కాపల ఉన్న కిష్టయ్య పరుగున గా రామగిరి పోలీస్ స్టేషన్కు పోయిండు. జరిగింది సెప్పిండు. ఇగ గా పోలీసోల్లు ధర్మవరం నుంచి అగ్నిమాపక సిబ్బందిని రప్పించిండ్రు. సిబ్బంది, పోలీసులు, గా సుట్టుముట్టోల్లంతా కలసి తెల్లారగట్ల రొండు గంటలకు గా ప్రభాకరరెడ్డిని బయటకు గుంజిండ్రు. గిట్ల ఇంకోపాలి శెయ్యొద్దని శెప్పి, గా పోలీసులు గా దోస్తులను వదిలిపెట్టిండ్రు. బంగారమేమో కని, బంగారమసొంటి పానం పోతాండె కదుల్లా?
