Friday, November 13, 2026
28.2 C
Hyderabad

మెఘా|MEGHA దగా!?

అసలు దోషి ‘మెఘా’ అంటున్న కవిత|KAVITA KALVAKUNTLA
L & T|ఎల్ అండ్ టీకి NOTICE|నోటీసులు!
‘మెఘా’కి ఎందుకు ఇవ్వలేదు?
KALESHWARAM|కాళేశ్వరం COMMISSION|కమిషనా? CONGRESS|కాంగ్రెస్ కమిషనా?
కవిత తన ఆరోపణలపై చివరి దాకా నిలబడతారా?
తనవి వట్టిమాటలు కావని గట్టిమేలు తలపెడతారా?
CM|సీఎం REVANTH REDDYరేవంత్ సీరియస్ గా తీసుకుంటారా?
కవిత QUESTIONS|ప్రశ్నలకు GOVERNMENT|ప్రభుత్వం జవాబిస్తుందా?
ప్రభుత్వం తన చిత్తశుద్ధిని చాటుకుంటుందా?

కేసీఆర్ కు నోటీసులు రాజకీయ దురుద్దేశం కావచ్చు. కాబట్టి కవిత ఆరోపిస్తున్నట్లు ఎల్ అండ్ టి లాగే మెఘాకు కూడా నోటీసులు ఇచ్చి ప్రభుత్వం తన చిత్తశుద్ధిని నిరూపించుకోవాలి. అవసరమైతే అప్పుడు ఆయా కంపెనీలతోపాటు కేసీఆర్, హరీశ్ రావు, ఈటల రాజేందర్ లను కూడా కలిపి విచారించవచ్చు. అవినీతి జరిగి ఉంటే బయట పడుతుంది. ప్రజలకు కూడా ప్రభుత్వం మీద నమ్మకం పెరుగుతుంది. అవినీతి జరగకపోయి ఉంటే అప్పటి ప్రభుత్వం, మాజీ సీఎం కేసీఆర్ నిజాయితీ నిలబడుతుంది. కవిత ఆరోపణల ప్రకారం అది కాళేశ్వరం కమిషనా? లేక కాంగ్రెస్ కమిషనా? లేక రాజకీయ కమిషనా? కూడా తేలిపోతుంది. రాజకీయ ఆరోపణలు, రాజకీయ నేతల మీద కేసులు ఎప్పటికీ నిలవవు అన్న ఒప్పు కూడా తప్పై, ప్రజలకు రాజకీయాలు, నాయకుల విలువల మీద గౌరవం పెరుగుతుంది. మరి ఇప్పుడా చిత్తశుద్ధిని పాలక, ప్రతిపక్షాలు, తాజా, మాజీ సీఎంలు ప్రదర్శిస్తారా? ఫక్తు రాజకీయ నేతలుగానే మిగిలిపోతారా? తేల్చుకోవాలి. లేకపోతే వారి లెక్కలను ప్రజలు తేల్చేస్తారు.

నిజంగా ఎమ్మెల్సీ కల్వకుంట్ల కవితను అభినందించాలి. అమె గట్స్ కు జోహార్లు చెప్పాలి. కాళేశ్వరం ప్రాజెక్టు అవినీతి విచారణలో విచారణ కమిషన్ సహా, ఎవరూ పెద్దగా పట్టించుకోని లేదా విస్మరించిన మెఘా కంపెనీని ముగ్గులోకి లాగారు. మెఘాకి నోటీసులు ఎందుకివ్వలేదని ప్రశ్నించారు. మెఘాకి నోటీసులు ఇచ్చే దమ్ము సీఎం రేవంత్ రెడ్డికి ఉందా? అని నిలదీశారు. ‘రాజకీయ దురుద్దేశంతోనే మాజీ సీఎం కేసీఆర్ కి నోటీసులిచ్చారు. కేసీఆర్ ఏం తప్పు చేశారని నోటీసులు ఇచ్చా రు? గతంలో కాంగ్రెస్ హయాంలో జలయజ్ఞం పేరుతో ధనయజ్ఞం చేస్తూ 90 శాతం పనులను మెఘా కంపెనీకి ఇచ్చారు. కాళేశ్వరం ప్రాజెక్టులో 15 పంప్ హౌజ్ పనులు చేసిన మెఘా కృష్ణా రెడ్డిని ఎందుకు వదిలేశారో ప్రజలకు చెప్పాలి’ అని ఎమ్మెల్సీ కవిత ప్రభుత్వాన్ని డిమాండ్ చేశారు. కేసీఆర్ కు కాళేశ్వరం కమిషన్ నోటీసులకు నిరసనగా హైదరాబాద్ లో మహా ధర్నా కాంగ్రెస్ ప్రభుత్వం కమీషన్ల కోసం, కాంట్రాక్టర్ల కోసం మాత్రమే పనిచేస్తోందన్నారు.

మొన్నటి దాకా బీఆర్ఎస్ పార్టీలో, ప్రభుత్వంలో కీలకంగా పని చేసిన తెలంగాణ సాంస్కృతిక సారథి జాగృతి సుప్రీం కవిత. అంతేకాదు తొమ్మిదిన్నర ఏళ్ళపాటు సీఎంగా పని చేసిన, మాజీ ముఖ్యమంత్రి కేసీఆర్ కన్న బిడ్డ. ఆమె గతంలో నిజామాబాద్ ఎంపీ, ప్రస్తుతం ఎమ్మెల్సీ. బాధ్యత కలిగిన ప్రజాప్రతినిధి. కాబట్టి కవిత వ్యాఖ్యలను ఆషామాషీగా తీసుకోలేం. కొట్టిపారేయలేం. ఆమె నేపథ్యం, ప్రజా ప్రాతినిధ్యం ఆమె వ్యాఖ్యలకు ప్రాధాన్యతను, ప్రాముఖ్యతను చేకూరుస్తున్నాయి.

తెలంగాణలో కాంగ్రెస్ ప్రభుత్వం ఏర్పడిన తర్వాత 2024 ఫిబ్రవరిలో కాళేశ్వరం ప్రాజెక్టులోని మేడిగడ్డ, అన్నారం, సుందిళ్ళ నిర్మాణాల లోపాలపై విచారణ కోసం సుప్రీం కోర్టు రిటైర్డ్ న్యాయమూర్తి జస్టిస్ పీసీ ఘోష్ చైర్మన్ గా కమిషన్ ను నియమించింది. ఈ విచారణ జరుగుతుండగానే, విజిలెన్స్ విచారణ రిపోర్టు ఇచ్చింది. మరోవైపు ఎన్డీఎస్ఎ నివేదిక అంద చేసింది. ఇంకోవైపు పీసీ ఘోష్ కమిషన్ మాజీ సీఎం కేసీఆర్, మాజీ మంత్రులు హరీశ్ రావు, ఈటల రాజేందర్ లకు నోటీసులు ఇచ్చింది. ప్రాజెక్టు నిర్మాణంలో నిర్లక్ష్యం వహించిన ఎల్ అండ్ డి సంస్థపై, 57 మంది ఇంజనీరింగ్ అధికారులపై క్రిమినల్ చర్యలు, జరిమానాలు, రికవరీకి విజిలెన్స్ ప్రభుత్వానికి సిఫారసులు చేసింది. ఈ నేపథ్యంలోనే కేసీఆర్ కు నోటీసులు ఇవ్వడంపై ఎమ్మెల్సీ కవిత మహాధర్నా చేపట్టారు. ఈ సందర్భంగా ఆమె వ్యాఖ్యలు సంచలనమయ్యాయి.

మెఘాకి నోటీసులివ్వాల్సిందే
లక్ష కోట్ల నిధులతో ప్రపంచంలోనే అతి పెద్దదిగా, అతి తక్కువ కాలంలో నిర్మించిన కాళేశ్వరం ప్రాజెక్టు పనులను ఎల్ అండ్ టి తోపాటు మెఘా కంపెనీలు చేశాయి. అయితే కేవలం ఎల్ అండ్ టికి, కేసీఆర్, హరీశ్ రావు, ఈటల రాజేందర్ కు మాత్రమే నోటీసులిచ్చిన కమిషన్, ఆ ప్రాజెక్టులోని ఎక్కువ పనులు చేసిన మెఘా కంపెనీకి ఎందుకు నోటీసులు ఇవ్వలేదని ప్రశ్నించారు. ఒక విధంగా విజిలెన్స్ ప్రకారం తక్కువ పనులు చేసిన ఎల్ అండ్ టి అవినీతికి పాల్పడినట్లు తేలితే, ఎక్కువ పని చేసిన మెఘా కూడా అవినీతికి ఒడిగట్టినట్లే అవుతుందా? ఎక్కువ పనులు చేసిన కంపెనీని వదిలేసి విచారణ చేపట్టడం కూడా అనైతికం. కాబట్టి కవిత చేసిన ఆరోపణలను ఏ విధంగానూ తీసిపారేయలేం. కవిత ఆరోపణలను ప్రభుత్వం సీరియస్ గా తీసుకుని వెంటనే మెఘాపై కూడా విచారణకు ఆదేశించాలి. నోటీసులివ్వాలి. తప్పు చేస్తే శిక్షించాల్సిందే.

అయితే, ఎమ్మెల్సీ కవిత కూడా ఏదో ధర్నాలో రాజకీయ ఆరోపణలు చేసినట్లు కాకుండా, తనవి వట్టి మాటలు కాదు. గట్టి మాటలేనని నిరూపించే విధంగా చివరి దాకా తన మాట మీద నిలబడాలి. మెఘా మీద కేసులు పెట్టేదాకా లేదంటే, కమిషన్ నోటీసులు ఇచ్చి విచారణ జరిపేదాకా వెంటపడాలి. ప్రజల్ని చైతన్య పరచాలి.

తన మాటపై చివరికంటా కవిత నిలబడతారా?
ఇప్పుడు కవిత తన తండ్రికి, మేన బావకి నోటీసులు ఇచ్చారు కాబట్టి, వారి పరువు ప్రతిష్టల కోసం, వారికి మద్దతుగా మహా ధర్నాలకు, ఆందోళనలకు దిగుతున్నారన్న అపవాదును పోగొట్టుకుని, నిజమైన ప్రజానాయకురాలిగా నిలవాలంటే, మెఘాపై కేసులు పెట్టేదాకా ప్రజా ఉద్యమాలు నిర్మించాలి. అందుకు అవసరమైన పోరాటాలు చేయాలి. ప్రభుత్వాన్ని నేలకు దించి, ప్రజా ధనాన్ని కాపాడాలి.

ప్రభుత్వం, సీఎం రేవంత్ చిత్తశుద్ధిని చాటుకుంటారా?
ఇక సీఎం రేవంత్ రెడ్డి కూడా కవిత చేసిన ఆరోపణలను గౌరవించాలి. ఆమె మాటలకు విలువ ఇవ్వాలి. ఆ విధంగా ప్రజాస్వామ్యం, ప్రజాపాలన అంటున్న రేవంత్ తన ప్రభుత్వ పారదర్శకతను మెఘాపై చర్యల ద్వారా ప్రదర్శించాలి. ఇప్పటి దాకా కేవలం ఎల్ అండ్ టికి మాత్రమే నోటీసులు వెళ్ళాయి. అలాగే మాజీ ముఖ్యమంత్రి కేసీఆర్, మాజీ మంత్రులు హరీశ్ రావు, ఈటల రాజేందర్ లకే నోటీసులు వెళ్ళాయి. దీంతో కాలేశ్వరం కమిషన్ కాంగ్రెస్ కమిషన్ అని, రాజకీయ కమిషన్ అనే ఆరోపణలకు ఆస్కారం ఏర్పడింది. నిజంగానే అది కాళేశ్వరం కమిషన్ అని నిరూపించుకోవాలనుకుంటే, కచ్చితంగా మెఘా కంపెనీకి నోటీసులివ్వాలి. దోషిగా తేలితే కఠినంగా శిక్షించాలి. ఆ విధంగా కాంగ్రెస్ ప్రభుత్వం, సీఎం రేవంత్ రెడ్డి తమ చిత్తశుద్ధిని నిరూపించుకోవాలి. కాళేశ్వరం కమిషన్ ద్వారా తాను రాజకీయ కక్ష తీర్చుకోవడం లేదని, అవన్నీ ఆరోపణలేనని కూడా ప్రజలకు అర్థం చేసినట్లు అవుతుంది. ఇప్పటికే అసెంబ్లీ సాక్షిగా సీఎం రేవంత్ రెడ్డి తాను రాజకీయ కక్షలకు వెళ్ళడం లేదని చెప్పి ఉన్నారు. అదే నిజమైతే ఇప్పుడు కచ్చితంగా మెఘాకు నోటీసులు ఇవ్వాల్సిందే.

Latest News

మగాడురా బుజ్జీ!?|TELANGANA|CM|REVANTH REDDY|NAGARJUNA AKKINENI

సీఎం సంధించిన ‘నాగార్జు‘నా’స్త్రం’ తెగిడిన నోటి నుండే పొగడ్తలు సంఘర్షించకుండా సహకారం అది మంచి పనేనని అంగీకారం సీఎంకు, హైడ్రాకు చేకూరిన బలం హైడ్రాకు ఆయనే బ్రాండ్ అంబాసిడరా? కూల్చిన చోటే కొత్త రూపుదాల్చిన కుంట ప్రారంభోత్సవంలో పల్లవించిన పలు అంశాలు కాదన్న చోటే,...

గీ తాపీ మేస్త్రీలు ఖాకీలే!|ADUGU TRENDS

ఖాకీలంటే కరడుగట్టిన మనసులు. చేతిల లాఠీలు, నోటి నిండా బూతులనే గిప్పటి దాకా మనకు తెలుసు. కానీ, గా బెంగళూరుల పోలీసులు గట్ల కాదని నిరూపించిండ్రు. గదేందో సూద్దాం పదండ్రి. గా బెంగళూరుల జ్ఞాన...

భారత్ కు సవాల్ గా హసీనా అప్పగింత!?|EDITORIAL

బంగ్లాదేశ్ మాజీ అధ్యక్షురాలు హసీనాను ఆ దేశానికి అప్పగించాల్సిందేనా? బంగ్లాదేశ్ ఒత్తిడికి భారత్ తలొగ్గుతుందా? లేక దౌత్య, న్యాయపరమైన అంశాలను పరిగణనలోకి తీసుకుని నిర్ణయం తీసుకుంటుందా? హసీనా భవితవ్యం మాత్రమే కాదు. దక్షిణాసియాలో...

నవంబర్ 13, శుక్రవారం, 2026|RASHI PHALALU

శ్రీ పరాభవనామ సంవత్సరం దక్షిణాయణం-శరత్ ఋతువు కార్తీకమాసం శుక్లపక్షం నాగుల చవితి తిధి శు.చవితి సాయంత్రం 05.30 వరకు ఉపరి పంచమి నక్షత్రం మూల పగలు 03.23 వరకు ఉపరి పూర్వాషాఢ యోగం ధృతి రాత్రి తెల్ల 04.22 వరకు ఉపరి శూల కరణం భద్ర రాత్రి...

పాపం… పవన్ కళ్యాణ్!?|PAWANKALYAN|PSPK|AP|DEPUTY CM|PERSONAL ISSUE

-అచ్చిరాని ‘మూడు ముళ్ళు’! -మూన్నాళ్ళ ముచ్చటగా పెళ్ళిళ్ళు!! -ముచ్చటగా.. మూడో ‘సారీ..’!!! పాపం పవన్ కళ్యాణ్! మూడు పెళ్లిళ్లు.. రెండు విడాకులు.. ఇప్పుడు మూడో బంధానికీ ముగింపు! ఎందుకనో?, సినీ నటుడు, ఆంధ్రప్రదేశ్ రాష్ట్ర ఉప ముఖ్యమంత్రి...

8 లచ్చల గాజులతోటి అమ్మవారికి అలంకరణ!|ADUGU TRENDS

శక్తి స్వరూపిణి అయిన అమ్మవారిని అనేక రకాలుగ అలంకరిత్తరు. దేవి శరన్నవరాత్రులల్ల రోజుకో పత్యేక రూపంల అమ్మవారు భక్తులకు దర్శనమిత్తరు. బంగారు కవచంతోటి, చిన్న పిల్లల రూపంల, గంటె చేతిల పట్టుకుని భిక్షపాత్రతోటి...

ప్రజల ప్రాణాలతో చెలగాటం ఇంకెన్నాళ్ళు!?|EDITORIAL

ప్రజల ప్రాణాలకంటే పండుగ సంబరాలే ముఖ్యమా? కాలుష్య నియంత్రణలో ప్రభుత్వాల నిర్లక్ష్యం, పర్యవేక్షణ వ్యవస్థల పనితీరుపై అనుమానాలు ఢిల్లీ వాసులను కాలుష్యం కంటే ఎక్కువ ఉక్కిరిబిక్కిరి చేస్తున్నాయి. చివరకు కాలుష్యం కూడా రాజకీయ...

నవంబర్ 12, గురువారం, 2026|RASHI PHALALU

శ్రీ పరాభవనామ సంవత్సరం దక్షిణాయణం-శరత్ ఋతువు కార్తీకమాసం శుక్లపక్షం తిధి శు.తదియ పగలు 03.24 వరకు ఉపరి చవితి నక్షత్రం జ్యేష్ఠ పగలు 12.51 వరకు ఉపరి మూల యోగం సుకర్మ రాత్రి తెల్ల 03.51 వరకు ఉపరి ధృతి కరణం గరజి పగలు 03.25...

సర్కారు కొలువులు..|GOVERNMENT JOBS|AP|

720 గ్రూప్‌-2 పోస్టులు! డిసెంబరు 11 వరకు దరఖాస్తులు.. ఫిబ్రవరి 21న ప్రిలిమ్స్‌ ఆంధ్రప్రదేశ్‌లో నిరుద్యోగులకు రాష్ట్ర ప్రభుత్వం మరో తీపి కబురు అందించింది. వరుసగా ఉద్యోగ నియామక ప్రకటనలు విడుదల చేస్తూ యువతలో ఆశలు చిగురింపజేస్తోంది....

మా దారులు వేర్వేరు|SONIA GANDHI|LIFE HISTORY|CONGRESS

మోదీ నేరుగా కళ్ళల్లోకి చూసి మాట్లాడరు మోదీతో సిద్ధాంత పరంగానే పోరాటం ఆనాడు ఒత్తిడితోనే ఒప్పుకున్నా.. వ్యతిరేకించిన రాహుల్, ప్రియాంక ఆ తర్వాత మన్మోహన్ ను ప్రతిపాదించా పీవీ రాజనీతిజ్ఞుడు.. ఆయనతో శత్రుత్వం లేదు రాజీవ్ హత్య కేసు దర్యాప్తుపైనే విభేదాలు ఆనాడు...

గా దేవునికి పన్నెండొందల రకాల నైవేద్యాలు!?|ADUGU TRENDS

పతి రోజూ దేవుడికి నైవేద్యం పెడ్తరని తెలుసు. కానీ ఎన్ని రకాల వైవేద్యాలు పెడ్తరు? భక్తుల శక్తి కొద్ది, శేతనైనంతల, ఆచారం, పండుగలను బట్టి ఒకటో, మూడో, ఐదో రకాలు పెడ్తరు. పండ్లు,...

డెమొక్రాట్లకు పునరుజ్జీవం!|EDITORIAL

అమెరికా మధ్యంతర ఎన్నికలు అగ్రరాజ్య రాజకీయాల్లో పెను ప్రకంపనలు సృష్టించాయి. ట్రంప్ దూకుడుకు ఓటర్లు బ్రేక్ వేయగా, డెమొక్రాట్లకు పట్టం కట్టారు. మారిన ఈ రాజకీయ సమీకరణాలు అమెరికా భవిష్యత్తుతోపాటు ప్రపంచ దౌత్యంపై...

Stay Connected

27,258FansLike
52,875FollowersFollow
85,558SubscribersSubscribe

Latest News