గంజి నీల్లు తాగినోడు మట్టిలోనే..! బెంజి కార్ల తిరిగినోడు మట్టిలోనే..!! మనతో తెచ్చిందేమీ లేదు. తీసుకపోయేదేమీ లేదు. మిగిలేదంతా మట్టే! మరు భూమిల మసే!! గీ సూత్రం తెలిసినోల్లు గీ భూమ్మీద మనుసుల్లెక్క మసులుకుంటరు. తెలవనోల్లు ఎగిరెగిరి ఎక్కడ్నో పడ్తరు. గిసొంటిది తెల్సుకున్నాయినె కాబట్టే గి హిందీ సినిమా, టీవీలల్ల అందరినీ నవ్విపిచ్చే గీ సునీల్ గ్రోవర్ సాదా సీదా మనిసి లెక్కనే బతుకుతాండు.
గీ మద్దెలనే గాయిన ఉత్తర ప్రదేస్ గంగా నది ఒడ్డున స్నానాల ఘాట్లల్ల సామాన్య జనం మద్దెల పడుకుండు. గా ఒడ్డున ఏ దిక్కూ లేనోల్లు, నిలువ నీడ లేనోల్లు, సాధువులు, గా సుట్టుపక్కల అడుక్కుతినేటోల్లే ఎక్కువ ఉంటరు. గావాల్ల మద్దెల శిన్న పంచె పరుసుకున్నడు. పక్కగోలుగ పడుకున్నడు. గిదిప్పుడు నెట్టింట్ల వైరలైతాంది. సునీల్ గ్రోవర్ మస్తు జనాదరణ పొందిన నవ్విపిచ్చే నడుటు. ‘కామెడీ నైట్స్ విత్ కపిల్’ల ‘గుత్తి’ ‘ద కపిల్ శర్మ షో’ల ‘డాక్టర్ మషూర్ గులాటి’, ‘రింకు భాభి’ పాత్రలతో దేశమంతా గుర్తింపు పొందిండు. గజిని, గబ్బర్ ఈజ్ బ్యాక్, భారత్, పటాఖా, జవాన్ వంటి హింది సినిమాల్ల కీలక పాత్రలు చేసిండు. ‘ది గ్రేట్ ఇండియన్ కపిల్ షో’ల కపిల్ శర్మతో కనిపిత్తాండు. గీయినె నాటక రంగంలో మాస్టర్స్ డిగ్రీ పొంది, రేడియోల గొంతును అరువిచ్చిండు. గాన్నుంచి వచ్చిండు.
