బిగ్‌బాస్ ఫేమ్ శేఖర్ బాషాపై మరో కేసు

బిగ్‌బాస్ ఫేమ్ శేఖర్ బాషాపై నార్సింగి పోలీస్ స్టేషన్‌లో మరో కేసు నమోదైంది. కొరియోగ్రాఫర్ షష్టి వర్మ ఆయనపై ఫిర్యాదు చేశారు. గతంలో షష్టి వర్మ, కొరియోగ్రాఫర్ జానీ మాస్టర్‌పై ఫిర్యాదు చేసిన విషయం తెలిసిందే. ఆ కేసు విచారణ కొనసాగుతున్న సమయంలో, తన కాల్ రికార్డులు లీక్ చేశాడంటూ శేఖర్ బాషాపై తాజాగా ఆరోపణలు చేశారు. అంతేకాకుండా, కొన్ని యూట్యూబ్ ఛానళ్లలో తన పరువుకు భంగం కలిగించేలా వ్యాఖ్యలు చేస్తున్నాడని ఫిర్యాదులో పేర్కొన్నారు. ఈ నేపథ్యంలో శేఖర్ బాషాపై BNS యాక్ట్ సెక్షన్ 79, 67, ఐటీ యాక్ట్ 72 కింద పోలీసులు కేసు నమోదు చేశారు.