దేవీ శరన్నవరాత్రోత్సవాలు గదేనుల్లా.. దుర్గా నవరాత్రులు అత్యంత భక్తిశ్రద్ధలతో జరుపుకునే పవిత్రమైన పండుగ. తొమ్మిది రోజులు జగన్మాత అయిన గా దుర్గాదేవిని రకరకాల రూపాలల్ల అర్చిస్తూ, పదో రోజున అంటే విజయదశమి దసరా యేడుకను జరుపుకుంటరు. గీ ఉత్సవాలు చెడుపై మంచి సాధించిన విజయానికి ప్రతీకగా చెప్పుకుంటరు. అయితే, గా దుర్గాదేవికి పప్పు, పచ్చి పులుసు శాఖాహారమే తప్ప, శియ్యలు. మాంసం పెట్టరు. కానీ, గాడ మాత్రం శేపల కూర వండి నైవేద్యంగా పెడ్తరు. గదెక్కడో సూద్దామా?
గా పశ్చిమ బెంగాల్ ల జనం దుర్గా పూజను ఘనంగా జరుపుతరు. అయితే, మేదినీపుర్ ల, మియా బజార్ ల ఉన్న చక్రవర్తి కుటుంబం చేసే దుర్గా పూజ కాస యెరైటీగా ఉంటది. దుర్గా పూజప్పుడు గా అమ్మవారికి గక్కడ శేపల కూరను నైవేద్యంగా సమర్పిత్తరు. ఇగీ పూజల మట్టి విగ్రహాన్ని ఉపయోగించరు. అమ్మవారి సిత్ర పటానికి పూజలు సేత్తరు. గా చక్రవర్తి కుటుంబం 200 ఏండ్లుగ గిట్లనే పూజలు సేత్తాందట. ఇగ దశమి నాడు ఆచారాల ప్రకారం అమ్మవారి ఇగ్రహాన్ని నిమజ్జనం శేత్తరట. అమ్మవారు కైలాసానికి తిరిగి యెల్లినప్పుడు పుట్టింట్ల ఏం తిన్నవని శివుడు అడుగుతడట. గందుకే గా అమ్మవారికి శేపల కూరను నైవేద్యంగా పెడతాండ్రట. గట్లనే చద్దన్నాన్ని కూడా సమర్పిత్తరట.!?
