Monday, November 16, 2026
27.1 C
Hyderabad

అప్పుల ఊబీలోకి దేశం, రాష్ట్రాలు!|EDITORIAL

తెలంగాణ, ఆంధ్రప్రదేశ్ రాష్ట్రాలు ప్రస్తుతం తీవ్రమైన ఆర్థిక ఒత్తిడిని ఎదుర్కొంటున్నాయి. సంక్షేమ పథకాల విస్తరణ, పెరుగుతున్న అప్పులు, ఆదాయ వనరుల పరిమితి, దుబారా ఖర్చులు, ఖర్చుల ప్రాధాన్యతా లోపాలు, ఆర్థిక క్రమశిక్షణ లేకపోవడం, పకడ్బందీ ప్రణాళిక లేకపోవడం వంటివన్నీ కలిసి ప్రభుత్వాల ఆర్థిక స్థితిని అధ్వాన్నంగా, అప్పుల మయం చేస్తున్నాయి. అధికారంలో ఉన్న నాయకత్వం, విధాన ప్రాధాన్యతలు, వ్యవస్థలో జవాబుదారీతనం లోపం ఈ పరిస్థితిని మరింత దారుణంగా దిగజార్చుతున్నాయి.

తెలంగాణలో ప్రభుత్వానికి ఉద్యోగులు, పెన్షనర్లకు కలిపి రూ.8వేల కోట్లకు పైగా బకాయిలు ఉన్నాయి. ఇటీవల ప్రభుత్వం రూ.వెయ్యి కోట్లు విడుదల చేసినప్పటికీ, నెలనెలా ఇదే స్థాయిలో చెల్లింపులు కొనసాగిస్తామని ప్రకటించడం సమస్య తీవ్రతను తగ్గించదు. పైగా అసలు సమస్య తీవ్రతను హెచ్చరిస్తున్నది. జీతాలను ప్రతినెలా 1వ తేదీననే చెల్లిస్తున్నామని చెప్పుకునే దుర్వస్థ ప్రస్తుత ప్రభుత్వాలది. పదవీ విరమణ చేసిన ఉద్యోగులకు రావాల్సిన నిధులు ఆలస్యం కావడం పరిపాలనా ప్రాధాన్యతల వైఫల్యం కాక మరేమిటి? ఈ నేపథ్యంలో తెలంగాణ సీఎం రేవంత్ రెడ్డి ప్రభుత్వం ఇప్పటికి మించి, సమగ్ర ఆర్థిక వ్యూహాన్ని అవలంబించాల్సిన అవసరం కనిపిస్తోంది.

ఇక భట్టి విక్రమార్క ఆధ్వర్యంలోని ఆర్థిక శాఖపై కూడా విమర్శలు ఉన్నాయి. ఖర్చుల ప్రాధాన్యతలను సమతుల్యంగా అమలు చేయడంలో లోపాల ఆరోపణలు కనిపిస్తున్నాయి. సంక్షేమ పథకాలకు పెద్ద ఎత్తున నిధులు కేటాయించడం రాజకీయంగా అవసరమైనదైనా, అదే సమయంలో ఆదాయ వనరుల పెంపు, వ్యయ నియంత్రణపై తగిన దృష్టి లేకపోతే ఆర్థిక వ్యవస్థ అస్థిరతకు దారి తీస్తుంది.

ఆంధ్రప్రదేశ్ రాష్ట్ర పరిస్థితి కూడా తెలంగాణకు పెద్దగా తేడాగా లేదు. రాష్ట్రం భారీగా అప్పులపై ఆధారపడుతూ తన ఖర్చులను నిర్వహిస్తోంది. కేంద్రం నుంచి గ్రాంట్లు, ప్రత్యేక సహాయం పొందడం తాత్కాలిక ఉపశమనమే కాని దీర్ఘకాలిక పరిష్కారం కాదు. చంద్రబాబు నేతృత్వంలో రాష్ట్రానికి కేంద్ర సహకారం లభిస్తున్నప్పటికీ, అది ఆర్థిక క్రమశిక్షణకు ప్రత్యామ్నాయం కాదు. ఖర్చుల నియంత్రణ, పెట్టుబడుల ఆకర్షణ, పరిశ్రమల వృద్ధి వంటి అంశాలపై దృష్టి పెట్టాల్సిన అవసరం ఉంది.

భారత దేశం, తెలంగాణ, ఆంధ్రప్రదేశ్ రాష్ట్రాల అప్పులు ఆందోళనకరంగా ఉన్నాయి. మార్చి 2024 నాటికి, భారతదేశ మొత్తం బకాయి రుణం రూ.168.72 లక్షల కోట్లుగా ఉంది. సెప్టెంబరు 2024లో, భారతదేశ విదేశీ అప్పు రూ.57.49 లక్షల కోట్లుగా నమోదైంది. 2026-27 చివరి నాటికి తెలంగాణ ప్రభుత్వ రుణ బకాయిలు రూ.6 లక్షల కోట్లకు చేరాయి. ఆర్థిక లోటును పూడ్చేందుకు చేసిన అప్పులతో పాటు, తెలంగాణ 37.2%తో దేశంలోనే అత్యధిక అప్పులున్న రాష్ట్రాల్లో రెండో స్థానంలో ఉంది. 2026-27 ఆర్థిక సంవత్సరం చివరి నాటికి ఆంధ్రప్రదేశ్ మొత్తం ప్రభుత్వ రుణం రూ.7.11 లక్షల కోట్లకు చేరుకుంటుంది. ఏపీలో 43.7% తో దేశంలోనే అత్యధిక అప్పులున్న రాష్ట్రంగా మొదటి స్థానంలో ఉంది. మహారాష్ట్ర, ఉత్తరప్రదేశ్, తమిళనాడు వంటి రాష్ట్రాలు అత్యధిక రుణాలను కలిగి ఉండగా, దక్షిణాది రాష్ట్రాలైన ఏపీ, తెలంగాణ తలసరి అప్పులు ఎక్కువగా ఉన్నాయి.

రైతుబంధు, ఉచిత విద్యుత్, నగదు బదిలీలు వంటి పథకాలు సామాజిక భద్రతకు అవసరమే అయినప్పటికీ, అవి ఆర్థిక సామర్థ్యానికి అనుగుణంగా లేవు. గతంలో బీఆర్ఎస్ ప్రభుత్వం ప్రారంభించిన కొన్ని పథకాలు కూడా ఇదే సమస్యను సృష్టించాయి. ప్రస్తుతం అదే విధానాలను కొనసాగించడం వల్ల సమస్య మరింత పెరిగింది.

అవినీతి, జవాబుదారీతనం లోపం కూడా పరిస్థితిని సంక్లిష్టం చేస్తున్నాయి. క్షేత్ర స్థాయిలో చిన్న పనులకు కూడా లంచాలు అవసరమవుతున్నాయి. పరిపాలనా యంత్రాంగంలో సమర్థవంతమైన పర్యవేక్షణ లేకపోవడం, అధికారుల బాధ్యతారాహిత్యం వల్ల ప్రజల్లో అసంతృప్తి పెరుగుతోంది. జిల్లాల విభజన ద్వారా పరిపాలన సులభమవుతుందని భావించినప్పటికీ, వాస్తవంలో ఫలితాలు అంతగా కనిపించడం లేదు.
ఈ పరిస్థితిలో పరిష్కార మార్గాలు స్పష్టంగా ఉండాలి. ప్రభుత్వాలు ఖర్చుల ప్రాధాన్యతలను పున:పరిశీలించాలి. ఆదాయ వనరులను పెంచేందుకు పారిశ్రామిక, పర్యాటక పెట్టుబడులను ఆకర్షించాలి. సంక్షేమ పథకాల వ్యయాన్ని నియంత్రించాలి. బకాయిల చెల్లింపులను సమయానికి పూర్తి చేయడం ద్వారా ప్రభుత్వంపై నమ్మకాన్ని పెంపొందించాలి. అవినీతిపై కఠిన చర్యలు తీసుకుని పరిపాలనలో పారదర్శకతను తీసుకురావాలి.

ఆర్థిక క్రమశిక్షణ లేకపోతే సంక్షేమం కూడా నిలదొక్కుకోలేదన్న వాస్తవాన్ని గుర్తించాలి. ప్రజల మద్దతుతో ఏర్పడిన ప్రభుత్వాలు, అదే ప్రజల ఆర్థిక భవిష్యత్తును సురక్షితం చేయాల్సిన బాధ్యతను మర్చిపోవద్దు. అప్పులపై ఆధారపడిన అభివృద్ధి తాత్కాలికం మాత్రమే. సుస్థిర ఆర్థిక విధానాలే రాష్ట్రాలను దీర్ఘకాలికంగా బలపరుస్తాయి.

Latest News

నవంబర్ 16, సోమవారం, 2026|RASHI PHALALU

శ్రీ పరాభవనామ సంవత్సరం దక్షిణాయణం-శరత్ ఋతువు కార్తీకమాసం శుక్లపక్షం కోటి సోమవారం తిధి శు.సప్తమి రాత్రి 11.25 వరకు ఉపరి అష్టమి నక్షత్రం శ్రవణ రాత్రి 10.46 వరకు ఉపరి ధనిష్ఠ యోగం వృద్ధి రాత్రి తెల్ల 05.28 వరకు ఉపరి ధ్రువ కరణం గరజి ఉదయం...

భారతదేశానికి ముస్లింల ఆగమనం|HISTORY|ADUGU DIGITAL MEDIA|COMPITITIVE EXAMS|SPECIAL

తొలిమధ్య యుగంలో (8వ శతాబ్దం నుండి 12వ శతాబ్దం వరకు) భారతదేశాన్ని రాజపుత్ర రాజ్యాలు పాలించగా ఇదే సమయంలో అరబ్బు మరియు తురుష్క ముస్లింలు భారతదేశంపై దండెత్తి వచ్చారు. భారతదేశంలో పాలన అంతా...

ఇంటర్నెట్ లేకుండనే వాతావరణం!|ADUGU TRENDS

అవసరాలు, ఆలోశెనలే కొత్త కొత్తయి కనిపెట్టేలా శేసింది. గీ కొత్త ఆవిష్కరణలే మానవ మనుగడును నిత్య నూతనం, దేదప్యమానం శేత్తానయి. గట్ల కనిపెట్టిన వాటితోటే మనం గిప్పుడు గిట్ల బతుకుతున్నం. మరి గీ...

ఫార్మసిస్ట్ లు ఆరోగ్య భారత్ కు ఆధార స్తంభాలు|PHARMACIST|DR RAPOLU SATYANARAYANA

(65వ జాతీయ ఫార్మసీ సప్తాహం: 15-21 నవంబర్ 2026) ప్రపంచంలోని ఆరోగ్యసంరక్షణ నిపుణులలో 3వ అతిపెద్ద సమూహంగా, భారత్ లో 13 లక్షల మంది రిజిస్టర్డ్ ఫార్మసిస్ట్ లు ఉండగా, 8.5 లక్షల పైచిలుకు...

సమ్మిట్ పై రాజకీయ రచ్చ|EDITORIAL

అంతర్జాతీయ వేదికగా తెలంగాణ ప్రతిష్ఠను చాటాల్సిన భారత్ సమ్మిట్‌ రాజకీయ విమర్శలు, ప్రతి విమర్శలతో వేడెక్కింది. అభివృద్ధి చర్చల స్థానంలో రాజకీయ రచ్చ చోటుచేసుకోవడం చర్చనీయాంశమైంది. సమ్మిట్‌ విజయానికి అసలైన కొలమానం ఏమిటి? మార్గం...

ఈ రోజు/వార రాశి ఫలాలు|TODAY|WEEKLY|RASHI PHALALU

నవంబర్ 15 నుండి నవంబర్ 21 వరకు రాశి ఫలాలు మేష రాశి కొత్త ఆలోచనలు కార్యరూపం దాల్చే అవకాశాలు కనిపిస్తున్నాయి. ఉద్యోగంలో మీ పనితీరుకు గుర్తింపు లభిస్తుంది. అధికారులతో మాట్లాడేటప్పుడు సంయమనం పాటించాలి. వ్యాపారస్తులకు...

జంగు.. పటేల్!|ADUGU TRENDS

పటేల్ అంటే గ్రామాధికారి లేదా గ్రామ పెద్ద. సంస్కృత పదం ‘పట్టకిల’ అంటే, రాచరిక భూమికి యజమాని. గా గుజరాతీ పదం 'పాట్' అంటే భూమి ఆధారంగా గీ పదం పుట్టింది. గుజరాత్‌ల...

కుప్పకూలిన ఎన్విడియా షేర్లు!|EDITORIAL

ఎన్విడియాలో ఊహించని సంక్షోభం నెలకొంది. సీఈఓ జెన్సన్ హ్వాంగ్ వివాహేతర సంబంధాల వివాదంతో రాజీనామా చేయగా, షేర్లు పతనమై ఏఐ మార్కెట్‌లో తీవ్ర కలకలం రేగింది. మార్గం - అడుగు, ఎడిటోరియల్ కృత్రిమ మేధస్సు ఏఐ...

నవంబర్ 14, శనివారం, 2026|RASHI PHALALU

శ్రీ పరాభవనామ సంవత్సరం దక్షిణాయణం-శరత్ ఋతువు కార్తీకమాసం శుక్లపక్షం తిధి శు.పంచమి రాత్రి 07.39 వరకు ఉపరి షష్ఠి నక్షత్రం పూర్వాషాఢ సాయంత్రం 06.04 వరకు ఉపరి ఉత్తరాషాఢ యోగం శూల రాత్రి తెల్ల 04.54 వరకు ఉపరి గండ కరణం బవ ఉదయం 06.35...

మగాడురా బుజ్జీ!?|TELANGANA|CM|REVANTH REDDY|NAGARJUNA AKKINENI

సీఎం సంధించిన ‘నాగార్జు‘నా’స్త్రం’ తెగిడిన నోటి నుండే పొగడ్తలు సంఘర్షించకుండా సహకారం అది మంచి పనేనని అంగీకారం సీఎంకు, హైడ్రాకు చేకూరిన బలం హైడ్రాకు ఆయనే బ్రాండ్ అంబాసిడరా? కూల్చిన చోటే కొత్త రూపుదాల్చిన కుంట ప్రారంభోత్సవంలో పల్లవించిన పలు అంశాలు కాదన్న చోటే,...

గీ తాపీ మేస్త్రీలు ఖాకీలే!|ADUGU TRENDS

ఖాకీలంటే కరడుగట్టిన మనసులు. చేతిల లాఠీలు, నోటి నిండా బూతులనే గిప్పటి దాకా మనకు తెలుసు. కానీ, గా బెంగళూరుల పోలీసులు గట్ల కాదని నిరూపించిండ్రు. గదేందో సూద్దాం పదండ్రి. గా బెంగళూరుల జ్ఞాన...

భారత్ కు సవాల్ గా హసీనా అప్పగింత!?|EDITORIAL

బంగ్లాదేశ్ మాజీ అధ్యక్షురాలు హసీనాను ఆ దేశానికి అప్పగించాల్సిందేనా? బంగ్లాదేశ్ ఒత్తిడికి భారత్ తలొగ్గుతుందా? లేక దౌత్య, న్యాయపరమైన అంశాలను పరిగణనలోకి తీసుకుని నిర్ణయం తీసుకుంటుందా? హసీనా భవితవ్యం మాత్రమే కాదు. దక్షిణాసియాలో...

Stay Connected

27,258FansLike
52,875FollowersFollow
85,558SubscribersSubscribe

Latest News