Saturday, November 21, 2026
20.7 C
Hyderabad

‘విశ్వ’సనీయ ‘నగరానికి’ రుచి, శుచి, భద్రత!|EDITORIAL

హైదరాబాద్ ప్రపంచస్థాయి నగరంగా మరింతగా ఎదగాలంటే కేవలం ఆకాశహర్మ్యాలు, ఐటీ కంపెనీలు, భారీ పెట్టుబడులు మాత్రమే సరిపోవు. పరిశుభ్రమైన వీధులు, నాణ్యమైన ఆహారం, విశ్వసనీయమైన హోటల్ వ్యవస్థ కూడా అంతే అవసరం. ఒక నగరాన్ని అంచనా వేయడంలో అక్కడి ఆహార భద్రత, పరిశుభ్రత కూడా ముఖ్యమైన ప్రమాణాలే.! కఠిన చట్టాలు, నిరంతర తనిఖీలు, పారదర్శక వ్యవస్థ, ప్రజల అప్రమత్తత..ఈ నాలుగు కలిసి పనిచేసినప్పుడే సురక్షితమైన ఆహారం ప్రతి ఒక్కరికీ అందుబాటులోకి వస్తుంది.

డా. మార్గం-అడుగు, ఎడిటోరియల్ 

హైదరాబాద్ ప్రపంచవ్యాప్తంగా గుర్తింపు పొందిన మహానగరం. ఐటీ, ఔషధ, సేవారంగాలతో పాటు పర్యాటక రంగంలోనూ ప్రత్యేక స్థానాన్ని సంపాదించుకుంది. ప్రతిరోజూ వేలాది మంది దేశ, విదేశాల పర్యాటకులు, వ్యాపారవేత్తలు, విద్యార్థులు ఈ నగరాన్ని సందర్శిస్తుంటారు. ఇలాంటి మహానగరంలో ఆహార భద్రత అయోమయంగా ఉండటం అత్యంత ఆందోళనకరం. ఇటీవల ఫుడ్ సేఫ్టీ అధికారులు నిర్వహించిన వరుస తనిఖీల్లో వెలుగుచూసిన దృశ్యాలు ప్రజలను తీవ్ర ఆందోళనకు గురిచేస్తున్నాయి. కుళ్లిపోయిన మాంసం, గడువు ముగిసిన ఆహార పదార్థాలు, అపరిశుభ్రమైన వంటశాలలు, బొద్దింకలు, ఎలుకల సంచారం, పరిశుభ్రతకు పూర్తిగా భిన్నమైన, విరుద్ధమైన పరిస్థితులు బయటపడటం నగర ప్రతిష్ఠకే మచ్చ తెస్తున్నాయి.

గత కొంతకాలంగా తెలంగాణలో ఫుడ్ సేఫ్టీ శాఖ చేపట్టిన తనిఖీల్లో వందలాది హోటళ్లు, రెస్టారెంట్లు, బేకరీలు, ఫుడ్ అవుట్‌లెట్లలో నిబంధనల ఉల్లంఘనలు నమోదయ్యాయి. అనేక సంస్థలకు నోటీసులు జారీ చేయగా, పలు చోట్ల కేసులు నమోదు చేశారు. కొన్ని ప్రముఖ హోటళ్లలో కూడా పరిశుభ్రత ప్రమాణాలు పాటించకపోవడం అధికారులను సైతం విస్మయానికి గురిచేసింది. పేరున్న హోటళ్లలోనే పరిస్థితి ఇంత దారుణంగా ఉంటే, చిన్న స్థాయి హోటళ్ల పరిస్థితి ఎలా ఉంటుందో అనే సందేహం సహజంగానే కలుగుతోంది.

ప్రపంచ ఆరోగ్య సంస్థ అంచనాల ప్రకారం ప్రపంచవ్యాప్తంగా ప్రతి సంవత్సరం 60 కోట్ల మంది కేవలం కలుషిత ఆహారం వల్ల అనారోగ్యానికి గురవుతున్నారు. 4.2 లక్షల మంది ప్రాణాలు కోల్పోతున్నారు. పిల్లలే ఇందులో ఎక్కువగా సమిధలవుతున్నారు. ఆహార భద్రత అనేది కేవలం పరిశుభ్రత సమస్య మాత్రమే కాదు. అది ప్రజారోగ్యానికి, ఆర్థిక వ్యవస్థకు, పర్యాటక రంగానికి నేరుగా సంబంధమున్న కీలకాంశం. అందుకే ఆహార నాణ్యత విషయంలో ఎలాంటి రాజీ ఉండకూడదు.

భారతదేశంలో ఆహార భద్రత ప్రమాణాలను అమలు చేయడానికి భారత ఆహార భద్రత మరియు ప్రమాణాల ప్రాధికార సంస్థ (ఎఫ్ఎస్ఎస్ఏఐ) స్పష్టమైన నిబంధనలు రూపొందించింది. ఆహార నిల్వ, తయారీ, వంటశాల పరిశుభ్రత, ఉద్యోగుల ఆరోగ్య పరీక్షలు, గడువు ముగిసిన పదార్థాల వినియోగం వంటి అంశాలపై కఠిన మార్గదర్శకాలు ఉన్నాయి. అయినప్పటికీ లాభాపేక్షతో కొందరు యజమానులు నిబంధనలను ఉల్లంఘించడం ప్రజల ఆరోగ్యాన్ని ప్రమాదంలోకి నెడుతోంది.

ప్రజలు హోటల్‌కు వెళ్లినప్పుడు రుచికరమైన భోజనం మాత్రమే కాక, సురక్షితమైన ఆహారం కూడా ఆశిస్తారు. అయితే కుళ్లిన మాంసం, పాడైన నూనెలు, గడువు ముగిసిన మసాలాలు, అపరిశుభ్రమైన వంటగదుల్లో తయారైన ఆహారం వడ్డించడం క్షమించరాని నేరం. ఇది కేవలం వినియోగదారుల హక్కుల ఉల్లంఘనే కాదు. ప్రజల ప్రాణాలతో చెలగాటం ఆడటమే.

అధికారులు తనిఖీలు నిర్వహించడం అభినందనీయం. కానీ దాడుల తర్వాత కొద్ది రోజుల హడావుడి, నామమాత్రపు జరిమానాలతో సరిపెట్టడం వల్ల సమస్యకు శాశ్వత పరిష్కారం లభించదు. ఒకసారి తప్పు చేసిన సంస్థ మళ్లీ అదే తప్పు చేస్తే లైసెన్స్ తాత్కాలికంగా నిలిపివేయడం, పునరావృతమైతే శాశ్వతంగా రద్దు చేయడం, జైలు శిక్షలు, భారీ జరిమానాలు వంటి కఠిన చర్యలు అమలు చేయాలి. జరిమానాలు వ్యాపార వ్యయంగా మారిపోకుండా శిక్షలు భయపెట్టేలా ఉండాలి.

హోటల్ యజమానుల బాధ్యత ఎంత ముఖ్యమో, వినియోగదారుల బాధ్యత కూడా అంతే ముఖ్యం. అపరిశుభ్రంగా కనిపించే హోటళ్లను ప్రజలు దూరం పెట్టాలి. బిల్లులు తీసుకోవడం, నాణ్యతలేని ఆహారం కనిపిస్తే సంబంధిత అధికారులకు ఫిర్యాదు చేయడం, పరిశుభ్రతకు ప్రాధాన్యం ఇచ్చే హోటళ్లను ప్రోత్సహించడం వంటి చర్యలు తీసుకోవాలి. ప్రజల అప్రమత్తత కూడా వ్యవస్థను మెరుగుపరచడంలో కీలక పాత్ర పోషిస్తుంది.

హైదరాబాద్ ప్రపంచస్థాయి నగరంగా మరింతగా ఎదగాలంటే కేవలం ఆకాశహర్మ్యాలు, ఐటీ కంపెనీలు, భారీ పెట్టుబడులు మాత్రమే సరిపోవు. పరిశుభ్రమైన వీధులు, నాణ్యమైన ఆహారం, విశ్వసనీయమైన హోటల్ వ్యవస్థ కూడా అంతే అవసరం. విదేశీ పర్యాటకుడు లేదా పెట్టుబడిదారు ఒక నగరాన్ని అంచనా వేయడంలో అక్కడి ఆహార భద్రత, పరిశుభ్రత కూడా ముఖ్యమైన ప్రమాణాలే.

ప్రభుత్వం ఫుడ్ సేఫ్టీ తనిఖీలను నిరంతర ప్రక్రియగా మార్చాలి. ప్రతి హోటల్‌కు నిర్దిష్ట వ్యవధిలో ఫుడ్ సేఫ్టీ ఆడిట్ నిర్వహించి, ఫలితాలను ప్రజలకు అందుబాటులో ఉంచాలి. నిబంధనలు పాటించే హోటళ్లను ప్రోత్సహిస్తూ, ఉల్లంఘనలకు పాల్పడే వారిపై కఠిన చర్యలు తీసుకోవాలి. రాజకీయ, ఆర్థిక ఒత్తిళ్లకు తావులేకుండా చట్టాన్ని సమానంగా అమలు చేయాలి.

ప్రజారోగ్యం కంటే గొప్పది ఏదీ లేదు. ఒక హోటల్ నిర్లక్ష్యం వల్ల వందలాది కుటుంబాలు అనారోగ్యానికి గురయ్యే ప్రమాదం ఉంది. అందువల్ల ఆహార భద్రత విషయంలో ప్రభుత్వం, అధికారులు, హోటల్ యజమానులు, ప్రజలు కలిసి బాధ్యతాయుతంగా వ్యవహరించినప్పుడే హైదరాబాద్ తన ప్రతిష్ఠను మరింత బలోపేతం చేసుకోగలదు. కఠిన చట్టాలు, నిరంతర తనిఖీలు, పారదర్శక వ్యవస్థ, ప్రజల అప్రమత్తత..ఈ నాలుగు కలిసి పనిచేసినప్పుడే సురక్షితమైన ఆహారం ప్రతి ఒక్కరికీ అందుబాటులోకి వస్తుంది.

Latest News

ఢిల్లీ సుల్తానులు|HISTORY|ADUGU DIGITAL MEDIA|SPECIAL|COMPITITIVE EXAMS|EDUCATION

ఢిల్లీ సుల్తానులు పాలించిన ప్రాంతాలను ఇస్లాం భాషలో సల్తనత్ అంటారు. సల్తనత్ అనగా రాజ్యము అని అర్థం. రాజ్యాన్ని పాలించిన రాజులను సుల్తానులు అంటారు. కాబట్టి ఈ ఢిల్లీ సుల్తానులకు గల మరో...

భారత్ కు సవాల్ గా పాక్, చైనా వ్యూహాలు!?|EDITORIAL

పాకిస్తాన్ కు చైనా అండదండలు. భారత్‌ను చుట్టుముట్టే వ్యూహాలు! డ్రాగన్ ద్వంద్వ నీతిపై అమెరికా నివేదిక సంచలన వ్యాఖ్యలు. ఆసియాలో మారుతున్న శక్తి సమీకరణాలు భారత్‌కు కొత్త సవాళ్లను విసురుతున్నాయి! మార్గం - అడుగు,...

వార/ఈ రోజు రాశి ఫలాలు|TODAY|WEEKLY|RASHI PHALALU

నవంబర్ 22 నుండి నవంబర్ 28 వరకు రాశి ఫలాలు మేష రాశి అనుకున్న పనులను పూర్తి చేసే అవకాశం లభిస్తుంది. ఉద్యోగ రంగంలో మీ ప్రతిభకు గుర్తింపు లభిస్తుంది. వ్యాపారస్తులకు కొత్త పరిచయాల ద్వారా...

వలెయ్యకుండనే శేతికి లచ్చల శేపలు!?|ADUGU TRENDS

ఎన్కటికి వట్టి శేపల కూర వడిపిల్ల మెతుకులని మస్తు తినేటోల్లు. ఇప్పటికీ శేపలంటే కొందరు శెవులు కోసుకుంటరు. రుశికి రుశి, ఆరోగ్యానికారోగ్యం. గా కౌసుకు, ముండ్లకు భయపడ్తరు గనీ, గాదాన్ని కాదంటే, గా...

నగరానికి గోదావరి జలాలు పరిష్కారమేనా?|EDITORIAL

హైదరాబాద్‌కు 40 ఎంజీడీల అదనపు గోదావరి జలాలు అందుబాటులోకి రావడం ఉపశమనమే తప్ప శాశ్వత పరిష్కారం కాదు. పైప్‌లైన్ పనులు, ట్రయల్ రన్ విజయవంతమై, నీటి పంపిణీ సమర్థంగా జరగాలి. మరోవైపు వర్షపు...

నవంబర్ 21, శనివారం, 2026|RASHI PHALALU

శ్రీ పరాభవనామ సంవత్సరం దక్షిణాయణం-శరత్ ఋతువు కార్తీకమాసం శుక్లపక్షం చిలుకు ద్వాదశి తులసి వివాహం చాతుర్మాస్య వ్రతసమాప్తి తిధి శు ద్వాదశి రాత్రి 01.16 వరకు ఉపరి త్రయోదశి నక్షత్రం రేవతి రాత్రి తెల్ల 03.24 వరకు ఉపరి అశ్విని యోగం సిద్ది రాత్రి 12.55...

ఆకరి సూపు కోసం అవ్వ శవం ఎదురు సూత్తాంది!?|ADUGU TRENDS

తలంత బలగం, తలకు పోసే దిక్కులేకుండా పోయిందనే సామెత గా అవ్వకు బాగా అతికింది. గా తల్లికి ఇద్దరు బిడ్డలు. బంధుగులు కూడా ఉన్నరు. కానీ, గవాల్లంతా గిప్పుడు యాడున్నరో తెలవదు. 40...

రైతులకు, వినియోగదారులకు ‘గిట్టు’బాటేది!?|EDITORIAL

రైతుకు గిట్టుబాటు ధర రావడం, వినియోగదారుడికి సరసమైన ధరకు కూరగాయలు అందడం పరస్పర విరుద్ధమేమీ కావు. మధ్యలోని సరఫరా వ్యవస్థను సమర్థంగా తీర్చిదిద్దితే, రెండూ సాధ్యమే. రైతు నష్టపోకుండా, వినియోగదారుడికి భారం కాకుండా...

నవంబర్ 20, శుక్రవారం, 2026|RASHI PHALALU

శ్రీ పరాభవనామ సంవత్సరం దక్షిణాయణం-శరత్ ఋతువు కార్తీకమాసం శుక్లపక్షం తిధి శు ఏకాదశి రాత్రి 01.54 వరకు ఉపరి ద్వాదశి నక్షత్రం ఉత్తరాభాద్ర రాత్రి 03.29 వరకు ఉపరి రేవతి యోగం వజ్ర రాత్రి 02.33 వరకు ఉపరి సిద్ది కరణం వణజి పగలు 02.01...

పచ్చని సంసారంల చాట్ జీపీటీ చిచ్చు!?|ADUGU TRENDS

దేని మీదనైనా ఆధారపడినా, అలవాటైనా ఇగంతే సంగతులు. అయిన దానికి, కాని దానికి కూడా గాదాని మీదకే పానం గుంజుతది. గట్లనే గా లెక్కలు శేసే కాలుక్ లేటర్, శేతుల్ల పట్టుకునే పోన్లు...

కాలుష్య కాసారంగా భూగోళం!?|EDITORIAL

ప్రకృతిని కాపాడితేనే మన భవిష్యత్తును కాపాడుకోగలం. భావితరాలకు కాలుష్య భరిత ప్రపంచాన్ని కాకుండా ఆరోగ్యకరమైన భూగోళాన్ని అందించడం నేటి తరంపై ఉన్న చారిత్రక బాధ్యత!? మార్గం - అడుగు, ఎడిటోరియల్  ప్రపంచ వ్యాప్తంగా అభివృద్ధి పేరుతో...

నవంబర్ 19, గురువారం, 2026|RASHI PHALALU

శ్రీ పరాభవనామ సంవత్సరం దక్షిణాయణం-శరత్ ఋతువు కార్తీకమాసం శుక్లపక్షం తిధి శు.దశమి రాత్రి 02.03 వరకు ఉపరి ఏకాదశి నక్షత్రం పూర్వాభాద్ర రాత్రి 03.02 వరకు ఉప6 ఉత్తరాభాద్ర యోగం హర్షణ రాత్రి తెల్ల 03.53 వరకు ఉపరి వజ్ర కరణం తైతుల పగలు 01.54...

Stay Connected

27,258FansLike
52,875FollowersFollow
85,558SubscribersSubscribe

Latest News