మనం ఏం తినాల్నెన్నా, ఏం కొనాల్నెన్నా, ఇంకే శేయాల్నెన్నా పైసలే! దేనికైనా పైసలే! పైసా లేనిదే ఏ పనీ కాదు. గందుకే గదా ‘పైసా ఫేకో.. తమాషా దేఖో’ అన్నరు. మరి గా పైసలు నోట్ల రూపంల ఉంటయి. గా నోట్లే అందరి దగ్గరా తిర్గుతయి. గవాట్ని ఒక్కొక్కలు ఒక్కో విధంగా దాసుకుంటరు. ఒకరు దానిమీదనే రాత్తరు. పసుపు కుంకుమలు, రంగుల్ల పడ్తయి. ఇష్టమొచ్చినట్లు మలుస్తరు. శెమటల, వానల తడుస్తయి, ఎండుతయి. గియన్నటితోటి ఇగ గయి శిన్గి, శింపిర్లైతయి. గట్ల గాకుండ ఉండేందుకు గవాట్ని ముద్రించే రిజర్వు బ్యాంకు ఓ ఐడియా శేసింది. గదేందో సూద్దాం పదండ్రి.
గా నోట్ల మీద వార్నీష్ ఏత్తరట. గది గా నోటు మీద పల్సగ, రచ్చితంగ ఉంటదట. నోట్లను లెక్కబెడ్తాంటే వచ్చే బ్యాక్టీరియా, వైరస్ రోగాలు రాకుండ కూడ ఉంటయట. గంతే కాదుల్లా నకిలీ నోట్లను తగ్గించడానికి గూడ గి దీన్ని ఉపయోగిస్తరట. కర్సు తక్కువతోటే, ఎక్కువ కాలం మన్నికగుంటయట. ఇప్పటికే ఐరోపల కొన్ని దేశాలు గీ పద్ధతిని వాడుతున్నయట. గిట్ల శేత్త గా కరెన్సీ నోట్లు కరాబే కావన్నట్లు!?
