ఇగో గీ శింతపండు లేకపోతే ఎవ్వలికీ ఎల్లది. పప్పుశారు, సేప పులుసు, అంటుపులుసు, ఒట్టి సేపల పులుసు, దప్పడం, అన్ని తొక్కుల్ల ఏసుడే కాదు, ఆఖరికి శింతపండు తొక్కు కూడ శేసుకొని తింటం. కూర తక్కువున్నా, అందరికీ సరిపోవాల్నెన్నా, కాస ఎక్కువ మందికి సర్దాల్నన్నా, కాసింత శింత పండు ఏస్తిమా? అన్నీ కమ్ముతయి. కనీ, గా శింతపండే ఏడాదిల ఒక్క గీ ఎండా కాలం సీజన్ కు ముందే దొరుకుతది. గదాన్ని నిలువ పెట్టుకోవాల్నంటే గిన్నన్ని రోజుల్లనే నల్లబడ్తది. పురుగు పడ్తది. మరి గా శింత పండు నల్లబడకుండ, పురుగు పట్టకుండ, మంచి శిట్కా శెప్తా సూడుండ్లి.
కొత్త శింతపండును యిడియిడిగ ఇప్పాలె. గండ్ల నార, పీసు, శింతగింజలు, శెత్తా శెదారం లేకుండ శుభ్రంగా తీసేయ్యాలె. ఇగ గదాన్ని ఏదన్న డబ్బల ఏసేటప్పుడు ముందుగ గా డబ్బల గింతంత ఉప్ప సల్లాలె. ఇగ శింతపండు యేసుకుంట మద్దెల మద్దెల ఉప్పు సల్లుతుండాలె. ఆఖరికి పైన కూడ ఉప్పు సల్లాలె. గంతె. గా శింత పండు ఎన్నేండ్లైనా పురుగు పట్టది. నల్లబడదటుల్లా? మరి, ఇంట్లో మన ఆడోల్లకు గీ శిట్కాను సెప్పుండు మరవకుండ్లి.
