ము ముద్దంటే శేదా? అంటే ఎవరికి శేదు చెప్పండి? గందుకే కాకిపిల్ల కాకికి ముద్దన్నరు. తల్లికి పిల్లంటే ముద్దు. పేమికులకు ఒకలంటే ఇంకొకలికి ముద్దు. గా ముద్దు ముచ్చట ఒకామె గీ ఇధంగా తీర్సుకుంది సూడుండ్రి.
గ్వాలియర్ల ఒకామె ఒకాయిన్ని పేమించింది. గా పేమను ఎరైటీగా సూపాలనుకుంది. పెదవులకు లిప్ స్టిక్ పెట్టుకుని, మూడున్నర గంటలు కట్టపడి, గాయినె కొన్న గా కారు మీద మొత్తం 3,400 ముద్దులు పెట్టింది. ఇగ గీదీనికి పొంగిపోయిన గా పేమికుడు గదాన్ని ఈడియ తీసి, నెట్టింట్ల పెట్టి మురిసిపోయిండు. గదాన్ని 24 గంటల్ల 55 లచ్చల మంది సూసిండ్రట. గా మురిపెం ఎంతో సేపు నిలవలే. రెండో రోజుకల్లా గా ముచ్చట కాస్తా, గా ట్రాఫిక్ పోలీసుల దాకా పోయింది. హద్దులు దాటిన గీ ముద్దుల యవ్వారం మోటరు వాహనాల చట్టాలను కాదనుడేనని, గాయినెకు రూ.5,500 జరిమానా యేసిండ్రు. గక్కడితో ఊకోక, గా కారును పోలీసు టేషన్ కు తెప్పించి, గా పేమికుడితోనే గా కారమీద ముద్దుల ముద్దురణలను తుడిపించిండ్రట.
