కొందరు సంగీతమంటే సెవులు కోసుకుంటరు. పాటలంటే పానమిత్తరు. గట్లనే గా పాటలు పాడేటోల్లంటే గూడ పానం శేత్తరు. గసొంటిదే గీ ముచ్చట. ఒకటి కాదు రెండు కాదు. లచ్చల నోట్లు…! ఒక గడియో, నిమిషమో కాదు గంటన్నర సేపు…!! గా పాటలు పాడేటాయినె మీద నోట్లు సల్లుతూనే ఉన్నరట!? గట్ల సల్లుకుంట తమ పేమను, గౌరవాన్ని సాటుకున్నరట? నమ్మలేని గీ ముచ్చటను నమ్మకంగా శెబుతాన ఇనుండ్రి.
గీ ముచ్చట గుజరాత్ రాస్ట్రం ద్వారకా జిల్లాలోని ఖంభాళియాలో జరిగిన ఒక కార్యక్రమంల జరిగింది. గానా భజానా జరిగిందనుకోరాదుండ్రి. గండ్ల జిగ్నేశ్ కవిరాజ్అనేటాయినె పాటలు పాడిండు. ఇగ గాయినెను గా కార్యక్రమం శేసినోల్లు నోట్ల కట్టలకు కట్టలతోని సన్మానించిండ్రట. నోట్ల కట్టల్ని కింద బోసి ఇప్పి, కిందా మీద కలిపి.. గవాటిని బత్తాల కెత్తి, గా బత్తాలల్ల నోట్లకు నోట్లను గంటన్నర సేపు గా పాటలు పాడిన జిగ్నేశ్ కవిరాజ్ మీద పోత్తనే ఉన్నరట! ఇగ ఆన పడ్డట్లే.. గా వాన ఎంతకు ఆగనట్లే… కుండపోత వాన లెక్క బత్తాల నోట్ల పోత పోసిండ్లట! ఇగ గిదీన్ని ఎవరో ఒకాయినె ఈడియ తీసి నెట్టింట్ల పెట్టిండు. ఇగాయింత గా ఈడియ తెగ వైరల్ అయితాంది. గిదేం అభిమానం? గిసొంటి అభిమానం మన మీద గూడ ఎవలన్న సూపిత్తే బాగుండని లోలోన అనుకుంటాండ్లట? మరి మీకూ అనిపిత్తాందా? సెప్పుండ్లి!?
