బిచ్చగాడే గదాని తీసి పారేయొద్దు. తక్కువ సూడొద్దు. ఒక్కొక్కటే వందలు, యేలైతయి. కానీ, గయి కూడబెట్టనీకే ఎంతో కట్ట పడాలె. బిచ్చమెత్తడం అంత అల్కనేం కాదు. అభిమానం సంపుకోవాలె. అవమానాలు భరించాలె. ఇచ్చినా, ఇయ్యకపోయినా, మనిసి మనిసికి అడగాలె. గట్లనే గా బిచ్చమెత్తిన సొమ్మును సీఎం సహాయ నిధికిచ్చుడంటే మాటలు కాదు.
తమిళనాడుల తూత్తుకుడి జిల్లల అలంకినరు అనే ఊరుంది. గా ఊల్లె పూల్ పాండియన్ అనే బిచ్చగాడున్నడు. గాయినె అడుక్కుంటడు. మరి గాయినె గీ మద్దెల నామక్కల్ జిల్లా కలెక్టరేట్ కు పోయిండు. తాను బిచ్చమెత్తిన 10 యేల రూపాలను కలెక్టరుకిచ్చిండు. సీఎం సహాయ నిధికి పంపాల్నని శెప్పిండు. గా కలెక్టర్ గూడా గట్లనేనని శెప్పి, రశీదు కూడా ఇచ్చి పంపిండు. అన్నట్లు… గీ పూల్ పాండియన్ సీఎం సహాయ నిధికి పైసలిచ్చుడు గిదే మొదలు కాదట. గింతకుముందు గా బడికి, గుడికి గట్రా నిధులిస్తూనే ఉన్నడట. అడుక్కుంటోనికైనా సంపాయించిన దాంట్ల పది మందికి పంచాల్ననే గుణమున్నది. గా కోట్లకు కోట్లు సంపాయించేటోల్లకు కూడా గిట్ల గీ గుణముంటే ఎంత బాగుండు!?
