ఇగో పెండ్లంటే గిదే.. గిట్లనే.. అబ్బో గట్లనా? అన్నట్లుగా శేసుకుంటాండ్లు. లచ్చలు, కోట్లు కర్సు పెడ్తాండ్లు. పెండ్లి పిల్ల, పిల్లగాండ్ల మీద కోట్లు కుమ్మరిస్తాండ్లు. కట్న కానుకలతోటి పని లేకుండ, పెండ్లి కర్సునే పెద్దగ పెడ్తాండ్లు. కనీ, గీ ఎమ్మెల్యే శేసుకున్న పెండ్లి గివీటి లెక్క కాదుల్లా. ఎట్లంటరా? మీరే సూడుండ్లి.
పెండ్లంటే నూరేండ్ల పంట. పెండ్లంటే తాళాలు, తప్పెట్లు. పెండ్లంటే సుట్టాలు, సందెల్లు. గియేయీ లేకుండనే పెండ్లి శేసుకున్నడు గా చత్తీస్ గఢ్ ఎమ్మెల్యే దీపేశ్ సాహు.! గది గూడ గా సర్కార్ పెట్టిన ముక్యమంత్రి కన్యా వివాహ యోజన స్కీం కింద. గందులోనూ గా సామాన్యుల సామూహిక పెండ్లిల్ల. జనం మద్దెలనే.!! ఇగ గా పెండ్లికి గా పెండ్లి పిల్లని, గా రాస్ట్ర ఉప ముక్యమంత్రి అరుణ్ సావో ఎడ్ల బండి మీద ఊరేగిస్తూ తీస్కొచ్చిండట. గంతే కాదుల్లా… గా రాస్ట్ర ముక్యమంత్రి విష్ణు దేవ్ సాయ్ అభినందించి, గా ఎమ్మెల్యే గా జిల్లాకు 105 కోట్ల రూపాయల విలువైన అభివ్రుద్ధి శేత్తనని మాటిచ్చిండట. గీ యేడుక ఆదివారం బెమెతారా నియోజకవర్గంల జరిగింది. అందరి దుష్టిల పడ్డది.
