మనకు ముక్క లేనిదే బుక్క దిగది. శియ్య లేనిదే పెయ్యి నిమ్మలంగ ఉండది. కౌసు కోసం నౌస్తం. పండుగలు, పబ్బాలొత్తే ఏం శేత్తం? మంచిగ పెంచుకున్న మూగ జీవాల్ని ఏడికాడికి కోసుకుని తింటం. ఎవలేమన్న అంటే గది మన సంప్రదాయం, ఆచారమంటం. బొక్క బోషాణమని ఏదేదో శెప్తం. గిది సరే గని, గా మూగ జీవాల పట్ల గా రైలు డైబర్ సూపిన మానవత్వాన్ని సూడుండ్రి. ఎంత మంచిగున్నదో!
గా రైలు పీడ్ గ పోతాంది. ఇగ గా పట్టాల మీదనే గా బర్లు మంచిగ మేసుకుంట నిలుసున్నయి. గా రైలు డైబర్ గదేనుల్లా లోకో డైబర్ గట్టిన ఆరన్ కొట్టిండు. గయి కదుల్త లేవు. గిదంత పని కాదని, ఇగ గా డైబర్ రైలును ఆపిండు. తనే రైలు దిగి గా బర్లను గా పట్టాల మద్దెల నుంచి బయటకి పోయే దాకా గెదిమిండు. ఐటెంక గా రైలును పోనిచ్చిండు. గీ ముచ్చట ఎక్కడ జరిగిందో గనీ, నెట్టింట తెగ వైరల్ అయితాంది. గొర్లను తింటోల్లే కాదుల్లా… గా బర్లను తింటోల్లు కూడా లైకులు కొడతాండ్రు. గ వాళ్ళు కాకపోయిన, గసొంటోల్లు తినడానికి బర్లు బతికినయి కదా!?
