అవుమల్ల.. మీరు సదివింది నిజమేనుల్లా! నిజంగా నెట్ వర్క్ లేకున్నా, గీ పోను పని శేత్తది? ఎటువంటి పతికూల పరిస్థితుల్ల గూడ గిది ఆగిపోదు. గిదీన్ని అంతరిక్ష పోను గదే, శాటిలైట్ పోను అంటరు. గిదీని సంగతేందో సూద్దాం పదండ్రి.
సిగ్నల్ లేదని పోను పక్కన పడేసే రోజులు పోతానయి. సర్కారోల్ల టెలికాం కంపెనీ బీఎస్ఎన్ఎల్ కొత్త సాంకేతికతతోటి ‘శాటిలైట్ పోన్’ను మన దేశంల యిడుదల శేసింది. గిదీని ధరను పన్నులతో కలిపి రూ.1,34,166 గా ఖరారు శేసింది. గీ స్మార్ట్ పోన్ల యుగంల మొబైల్ సిగ్నల్స్ అస్సలు అందుబాటులో లేని మారుమూల పాంతాలు, ఎడార్లు, దట్టమైన అడవులు, సముద్రాల మధ్యల గూడ గీ పోను నడ్తనే ఉంటదట! యేడ పో.. గా పోను కనెక్టివిటీ ఉంటదట!! విపత్తులు వచ్చినప్పుడు. అత్యంత ప్రతికూల వాతావరణ పరిస్థితుల్ల మొబైల్ నెట్వర్క్ పూర్తిగ కుప్పకూలినా సరే, గీ ఇన్మార్శాట్ నెట్వర్క్ ఆధారిత శాటిలైట్ పోను ద్వారా అల్కగ వాయిస్ కాల్స్, ఎస్సెమ్మెస్‌లు శేసుకోవచ్చు. టెక్నాలజీ లెక్కల్ల సూస్తే, గిది మామూలు మొబైల్ టవర్ల సాయం లేకుండనే నేరుగ అంతరిక్షంలోని ఉపగ్రహాల ద్వారా సిగ్నల్స్ అందుకుని పని శేత్తది.
దేశ భద్రత, సురచ్చిత కమ్యూనికేషన్ల కోసం మన సర్కార్ గీ సాటిలైట్ ఫోన్ల ఆడకం మీద మస్తు కఠినమైన ఆంచలు పెట్టింది. గందుకే గీ పోనును ఎవ్వలు పడితే గవాల్లు కొనడానికి యీల్లేదు. గిదీన్ని కేవలం రచ్చణ, సరిహద్దు భద్రతా జవాన్లు, సముద్రయాన పోల్లు, విపత్తుల్ల కాపాడేటోల్లు, గనుల్ల, ఎవ్వలూ పోలేసోట్ల పని శేసేటోల్లు టెలికాం శాఖ నుంచి ముందస్తు అనుమతి తీస్కోవాలె. సాహస యాత్రలు శేసేటోల్లకు కూడ గీ పోనును అమ్ముతరు. గీ పోను సూడ్డానికి పాతదాని లెక్కనే ఉంటది. మస్తు కట్టమైన ఆతావరణంల, బయటి ఒత్తిళ్లను తట్టుకునే యిధంగా ‘రగ్గడ్ డిజైన్’ శేసిండ్రట. గంతే కాదుల్లా..కరెంటు లేని మారుమూల పాంతాల్లో కూడా ఎక్కువ రోజులు శార్జింగ్ అవసరం లేకుండ గూడ గీ పోను పని శేత్తదన్నట్లు. అత్యవసరాల్ల పానాలను రచ్చించేటందుకు గిదీంట్లె ఎస్ఓఎస్ ఎమర్జెన్సీ సపోర్ట్ ఫీచర్ కూడా ఉందట.
ఇగ గీ పోను కావాల్నంటే, గా కంపెనీ పెట్టిన శరతులకు సరిపోయేటోల్లు, దగ్గర్ల ఉన్న బీఎస్ఎన్ఎల్ ఆపీసుల కలవాలె. లేకపోతే, గా కంపెనీ హెల్ప్ లైన్ నంబర్లకు (94651 01323 లేదా 97688 66652) పోను శేయాలె. గా కంపెనీ శరతుల పారాలను నింపితే, గయన్నీ సూసి మీరు అర్హులైతేనే గా పోను మీకు ఒత్తది. లేకపోతే లేదు. గియన్నీ సరే గనీ, యుద్ధంల లచ్చమనుడు మూర్చపోతే, హన్మంతుడు తెచ్చిన సంజీవని లెక్క గీ శాటిలైట్ పోను ఉపయోగపడతదన్నట్లు.
