ఒక్కసారే పుడతం! ఒక్కసారే చస్తం!! ఒక్కసారే పెండ్లి చేసుకుంటం!!! ఇగిప్పుడంటే పెండ్లిల్లు, పెటాకులు శానా సార్లనే అయితానయి అనుకోండ్రి. గందుకే గీ పెండ్లి తంతును కనీ యినీ ఎరగని రీతిల శేసుకుంటాండ్రు. ఆకాశమంత పందిరి, భూదేవంత పీట యేసి చేయాల్నంటరు. గియేసినా, ఏయకపోయినా, కర్సైతే శాన్నే శేత్తాండ్లు. గిదంతా కాదని, గా అమెరికాల ఓ జంట, ఎక్కడ లేని విధంగా ఉంగరాలు మార్సుకున్నరు. గిటు భూమ్మీద, గటు ఆకాశంల కాకుండా గాల్లోనే ఎంగేజ్ మెంట్ శేసుకున్నరన్నట్లు?
గా రష్యా జంట అమెరికాల ఉంటాండ్లు. పెండ్లి శేసుకోవాల్ననుకున్నరు. గాడ ఉంగరాలు మార్సుకుంటే ఎంగేజ్ మెంట్ అయినట్లే. గదానికి న్యూయార్క్ ల ఉన్న ఎంపైర్ స్టేట్ బిల్డింగ్ ను ఎంచుకున్నరు. 1,454 అడుగుల ఎత్తుల ఉండే గదెక్కి, గదాని మీద ఉన్న ఓ టవర్ ఎక్కి, ఎంగేజ్ మెంట్ ఉంగరాలు మార్సుకున్నరు. అయితే, గీ ముచ్చట బాగనే ఉన్నది గనీ, గిదంతా నా అమెరికాల నిబంధనలకు యిరుద్ధమట. గందుకే గా జంట మీద అధికారులు సీరియస్ అయ్యిండ్రు. గాడితో ఊకుంటారు? గా జంటను పోలీసులు అరెస్టు కూడా శేసిండ్రట!?
