ఇగిప్పుడు యేడ సూసినా, తాగి పడేసిన బీరు, విస్కీ సీసాలెనాయె.! పార్కుల్ల, బస్సు స్టాపుల్ల, స్టాండ్లల్ల, రైల్వే స్టేషన్లల్ల, రోడ్ల పక్కల, శెట్ల కింద, ఆకరికి ఏర్గ పోయేకాడ, ఉచ్చ పోసే కాడా గూడా గయేనాయె.!! ఏ పార్టీ, ఫంక్షన్ శేసినా మందు, శియ్యలేనాయె. ఇగెవడన్న పంక్షన్ శేసినోడు మందు పెట్టకపోయినా, మనమే నల్గురం కలిసి తాగి పోబడితిమి. ఏహె గిదంత కాదు.. పార్టీ అంటే మందే? మందంటే మందే.!
గీ తాగి పడేసిన సీసాలు ఏర్క పోయేటోల్లకు గూడా వశమైతలేదాయె.! మరి గవాట్ని ఎట్ల తీసెయ్యాల్నని గప్పట్ల తెలంగాణ సర్కారోల్లు గా సీసాలతోటి ఆదాయం గూడ వత్తదంటే పెద్ద లొల్లాయె. ఇగ గిదంత పనికాదని, గా తమిళనాడుల ఓ ఉపాయం కనిపెట్టిండ్రు. గదేందో సూద్దాం పాండ్రి.
ఏటీఎం లెక్కనే గీ మిషిని తయారు శేసిండ్రు. గా మిషిన్ల తాగి పడేసిన సీసా ఎయ్యాలె. ఐటెంక మీ పోనుతోటి యూపీఐని స్కాన్ శెయ్యాలె. గంతే గా మిషిని మీకు పది రూపాయల నోటిత్తది. గదాన్ని ఏఐ వెండింగ్ మిషిని అంటాండ్లు. గిదీన్నిప్పుడు శెన్నైల డెమో పెట్టిండ్రు. ఇగ తొందర్లనే గీ మిషన్లను అంతట పెడ్తరట. గీ మిషిని తోటి సీసాల లొల్లిపోతదేమో గనీ, తాగేటోల్లు ఎక్కువైతరేమో సూడుండ్రి.
