భారతీయ జనతా పార్టీ (బీజేపీ) ఇటీవల జరిగిన ఢిల్లీ శాసనసభ ఎన్నికల్లో భారీ విజయాన్ని సాధించింది. 70 స్థానాలున్న ఢిల్లీలో 48 స్థానాల్లో గెలిచిన బీజేపీ అధికారంలోకి రానుంది. ఈ విజయానికి ప్రధాన కారణం పర్వేశ్ వర్మ.
నరేంద్ర మోదీ, అమిత్ షా నేతృత్వంలో బీజేపీ అనేక వ్యూహాలు రచించినా, గతంలో ఢిల్లీలో ఆమ్ ఆద్మీ పార్టీ (ఆప్) అధికారాన్ని నిలువరించలేకపోయింది. కేజ్రీవాల్ నేతృత్వంలోని ప్రభుత్వం ప్రజాదరణ పొందిన సంక్షేమ పథకాలతో బలమైన ఓటు బ్యాంకును ఏర్పరచుకుంది. అయితే, మద్యం పాలసీ కుంభకోణం ఆరోపణలతో ఆప్ పరువు దిగజారింది.
ఈ స్కాంను వెలుగులోకి తీసుకొచ్చిన వ్యక్తి పర్వేశ్ వర్మ. ఆయన అనుమానాస్పద లావాదేవీలపై ఆధారాలు సేకరించి బీజేపీ అధిష్టానానికి తెలియజేశారు. హోటళ్లలో జరిగిన భేటీల వీడియోలను బహిర్గతం చేయడంతో కేజ్రీవాల్ ప్రభుత్వం తీవ్ర ఒత్తిడిని ఎదుర్కొంది. ఈ వివాదం ఆప్ను రాజకీయంగా దెబ్బతీసి, బీజేపీకి అనుకూలమైన పరిస్థితులను కల్పించింది.
బీజేపీ పర్వేశ్ వర్మ సేకరించిన ఆధారాలను ప్రజల్లోకి విస్తృతంగా తీసుకెళ్లగలిగింది. చివరకు, ఈ వివాదం కేజ్రీవాల్ పరాజయానికి దారితీసింది. ఢిల్లీ అసెంబ్లీ ఎన్నికల్లో ఆప్ను ఓడించి బీజేపీ విజయాన్ని ఖాయం చేసింది. ఈ విజయంతో పర్వేశ్ వర్మ పేరు ఢిల్లీ ముఖ్యమంత్రి రేసులో వినిపిస్తోంది.
