కేంద్ర మంత్రి కిషన్ రెడ్డి కార్యక్రమంలో అపశృతి

గణతంత్ర దినోత్సవం సందర్భంగా ట్యాంక్ బండ్ వద్ద కేంద్ర మంత్రి కిషన్ రెడ్డి నిర్వహించిన భారత మాతా కి మహా హారతి కార్యక్రమంలో అపశృతి చోటుచేసుకుంది. ఈ కార్యక్రమంలో భాగంగా పడవలో బాణాసంచా తీసుకెళ్తుండగా, ప్రమాదవశాత్తు అది పేలింది. పేలుడుతో ఒక్కసారిగా మంటలు చెలరేగాయి, దాంతో అక్కడ అలజడి ఏర్పడింది. అప్రమత్తమైన సిబ్బంది వెంటనే మంటలను అదుపు చేశారు. అయితే, ఈ ఘటనతో అక్కడున్నవారిలో ఆందోళన వ్యక్తమవుతోంది. అపశృతి కారణంగా ఎటువంటి ప్రాణనష్టం జరగకపోవడం ఆనందకరమైన అంశం. దీనిపై అధికారులు దర్యాప్తు చేపట్టారు.