ప్రభుత్వం వెంటనే చర్యలు తీసుకోవాలి

రంగారెడ్డి జిల్లా తుక్కుగూడ జెడ్పీ హైస్కూల్ హెడ్‌మాస్టర్ రాములుపై RSS, బజరంగ్ దళ్ నాయకులు దాడి చేయడాన్ని BSP రంగారెడ్డి ఇన్‌ఛార్జ్ దొడ్డి శ్రీనివాస్ తీవ్రంగా ఖండించారు. ఆయన ఈ చర్యను హేయమైనదిగా అభివర్ణించారు. అయప్ప మాలధారుల ముసుగులో ఈ సంఘాలు దాడి చేశాయని ఆరోపిస్తూ, స్కూల్లో మాల ధరించిన విద్యార్థి పట్ల జరిగిన అనుకోని ఘటనను దృష్టిలో పెట్టుకుని, టీచర్ విద్యార్థి కాళ్లు మొక్కడం బాధాకరమని అన్నారు. ఈ వ్యవహారంపై ప్రభుత్వం వెంటనే చర్యలు తీసుకుని, దాడికి పాల్పడిన వారిపై చట్టపరమైన చర్యలు తీసుకోవాలని డిమాండ్ చేశారు.