అవుమల్ల.. నిజమేనుల్లా… గీ బిచ్చగాడు.. అపర కుబేరుడు? కాకపోతే ముంబై రోడ్ల మీద బిచ్చమెత్తుకుంట కనిపించిండు. గా ఈడియోలు యిగిప్పుడు తెగ వైరలైనయి. అసలు సంగతేందో కనుక్కుందాం పదండ్రి.
గీయిన పేరు పరాగ్ షా. గీయినె మహారాష్ట్ర ఘాట్కోపర్ ఈస్ట్ నియోజకవర్గానికి ఎమ్మెల్యే. 3యేల 300 కోట్ల ఆస్తిపరుడు. గీ మద్దెల గీయినె ఆ నియోజకవర్గ రోడ్ల మీద బిచ్చగాని లెక్క కనిపించిండు. గంతే కాదు, ఎవరూ గుర్తు పట్టకుండ ఏషం ఏసిండు. దొరికింది తిన్నడు. రోడ్ల మీదనే పండుకున్నడు. గాయింత గాయిన్ని గుర్తు పట్టినోల్లు ఈడియలు తీసి వైరల్ శేసిండ్రు. అయ్యా కుబేర గిదేం ఏషమయ్యా? అని అడిగితే, గాయినె గురువు జైన సంప్రదాయంల ఒక్క రోజు బిచ్చగాడిగా తిరగమని శెప్పిండట. గీయినె గట్లనే శేసిండు. కాకపోతే, గా బిచ్చగాని ఏసం తనకు మస్తు జ్నానోదయం కలిగిచిందంట. ‘నన్ను ఎమ్మెల్యేగ గుర్తించడం యేరు. నేను బిచ్చగాడిన ఎల్లినప్పుడు గా జనాలే తనకంటే పెద్దోల్ల లెక్క కనిపించిండ్రట. మనం చూసే చూపులోనే ఏదైనా ఉంటది. గదే జీవిత సత్యం’ అంటాండు. గంతేగాక ‘ముంబై జనంలో మంచి దాన గుణమున్నద’ని కూడా తెలిసిందట.!? ఒక్క రోజు బిచ్చగాని ఏసం ఎంత తెలివి తెప్పించిండో సూడుండ్రి.
