ఘనంగా సేవాలాల్ జయంతి ఉత్సవాలు

యాదాద్రి భువనగిరి జిల్లా, రాజాపేట మండలంలోని పుట్టగుడెం గ్రామంలో బంజారా ప్రజలు అంగరంగ వైభవంగా సేవాలల్ మహారాజ్ జయంతి వేడుకలను ఘనంగా నిర్వహించారు. మహారాజ్ సేవలను స్మరిస్తూ భక్తి శ్రద్ధలతో బోగ్ బండారో నిర్వహించి ప్రత్యేక పూజలు చేశారు. ఈ సందర్భంగా లంబాడా సంప్రదాయ పాటలతో సాంస్కృతిక కార్యక్రమాలు నిర్వహించడంతో పాటు, బంజారా వేషధారణలో ప్రత్యేక నృత్యాలు ప్రదర్శిస్తూ ఆనందోత్సాహంగా సంబరాలు జరిపారు. ఈ వేడుకలకు తహశీల్దార్, అధికారులు, ప్రజా ప్రతినిధులు, పెద్ద ఎత్తున ప్రజలు హాజరయ్యారు.