నాంపల్లి బిజెపి కార్యాలయం వద్ద ఉద్రిక్తత

నాంపల్లిలోని బీజేపీ కార్యాలయం వద్ద బీజేపీ, కాంగ్రెస్ కార్యకర్తల మధ్య ఉద్రిక్తత చోటుచేసుకుంది. బీజేపీ నేత రమేశ్ బిధూరీ చేసిన వివాదాస్పద వ్యాఖ్యలకు నిరసనగా కాంగ్రెస్ కార్యకర్తలు బీజేపీ కార్యాలయంపై కోడిగుడ్లు, రాళ్లతో దాడి చేశారు. ఈ దాడి తాళలేక బీజేపీ కార్యకర్తలు కౌంటర్ దాడికి దిగడంతో ఇరు వర్గాలు కర్రలతో పరస్పరం దాడి చేసుకున్నారు. ఈ ఘర్షణలో పలువురికి గాయాలు కాగా, పోలీసులు వారిని అదుపు చేయడానికి ప్రయత్నించారు. బిధూరీ వ్యాఖ్యలు కాంగ్రెస్ నాయకులను తీవ్ర ఆగ్రహానికి గురి చేయగా, దీనిపై దేశవ్యాప్తంగా నిరసనలు కొనసాగుతున్నాయి. పోలీసులు పరిస్థితిని అదుపులోకి తెచ్చేందుకు ప్రయత్నాలు చేస్తున్నారు.