బెంగళూరులో బీజేపీయేతర రాష్ట్రాల సీఎంల భేటీ

నేడు బెంగళూరులో బీజేపీయేతర రాష్ట్రాల ముఖ్యమంత్రుల భేటీ జరగనుంది. ఈ సమావేశంలో ప్రధానంగా యూజీసీ ఇటీవల జారీ చేసిన నిబంధనల ముసాయిదాపై చర్చించనున్నారు. విద్యా రంగంపై దీని ప్రభావాన్ని అర్థం చేసుకుని, సంయుక్తంగా స్పందించే మార్గాలను సీఎం‌లు ఆలోచించనున్నట్లు సమాచారం. విద్యా వ్యవస్థకు సంబంధించి కేంద్ర ప్రభుత్వ విధానాలపై వారు తమ అభిప్రాయాలను వ్యక్తం చేసే అవకాశం ఉంది. అంతేకాక, ఈ సమావేశంలో ఇతర రాజ‌కీయ, పరిపాలనా అంశాల గురించి కూడా చర్చించనున్నారు. దేశంలో ఉన్న ప్రస్తుత పరిస్థితుల నేపథ్యంలో ఈ భేటీ ప్రాధాన్యత సంతరించుకుంది.