అమెరికాలో డాకు మహారాజ్

నందమూరి బాలకృష్ణ ప్రధాన పాత్రలో నటిస్తున్న ‘డాకు మహారాజ్’ ట్రైలర్‌ను అమెరికాలో జరిగిన ప్రత్యేక ఈవెంట్‌లో చిత్ర యూనిట్ విడుదల చేసింది. బాబీ కొల్లి దర్శకత్వంలో రూపొందుతున్న ఈ చిత్రంలో ప్రజ్ఞా జైస్వాల్, శ్రద్ధ శ్రీనాథ్, బాబి డియోల్ కీలక పాత్రల్లో కనిపించనున్నారు. బాలకృష్ణ ఈ సినిమాలో రెండు విభిన్న పాత్రల్లో నటిస్తూ తన స్టైల్, యాక్షన్‌తో అభిమానులను ఆకట్టుకుంటున్నారు. సంక్రాంతి పండుగకు ప్రత్యేకంగా జనవరి 12న ఈ సినిమా విడుదల కానుంది. ట్రైలర్ ఆడియన్స్‌లో ఉత్సాహాన్ని పెంచుతూ సినిమాపై భారీ అంచనాలను పెంచింది.