ఈ రోజు దేశీయ స్టాక్ మార్కెట్లు భారీ లాభాల్లో ట్రేడవుతున్నాయి. బీఎస్ఈ సెన్సెక్స్ 1,000 పాయింట్లకు పైగా లాభపడగా, నిఫ్టీ 24,000 మార్కును దాటింది. ఫైనాన్షియల్, ఆటో, ఐటీ రంగాలలోని షేర్ల కొనుగోలుతో సూచీలు ముందుకు సాగుతున్నాయి. ఇన్ఫోసిస్, మహీంద్రా, బజాజ్ ఫైనాన్స్ వంటి స్టాక్స్ మార్కెట్ను ప్రేరేపిస్తున్నాయి. మధ్యాహ్నం 12:50 నిమిషాలకు, సెన్సెక్స్ 1,013.66 పాయింట్లు లాభపడుతూ 79,530 వద్ద, నిఫ్టీ 307 పాయింట్లు లాభంతో 24,050 వద్ద ట్రేడవుతున్నాయి. బీఎస్ఈలో బజాజ్ ఫిన్సర్వ్, బజాజ్ ఫైనాన్స్, మారుతీ సుజుకీ, మహీంద్రా అండ్ మహీంద్రా, ఇన్ఫోసిస్ షేర్లు అత్యధిక లాభాలను నమోదు చేస్తున్నాయి, అయితే సన్ ఫార్మా, అదానీ పోర్ట్స్ నష్టాల్లో ఉన్నాయి.
డిసెంబర్ నెలలో వాహన విక్రయాలు అంచనాలను మించిన ప్రగతిని చూపించడంతో మదుపర్లకు పాజిటివ్ సెంటిమెంట్ కలిగింది. ఐషర్ మోటార్స్ 25% వృద్ధి నమోదు చేస్తే, మారుతీ సుజుకీ 30% వృద్ధిని సాధించింది. ఈ వివరాలు ఆయా కంపెనీల షేర్లను బలపరిచాయి. 2025లో ఐటీ రంగంలో మరిన్ని రెవెన్యూ వృద్ధిని చూడవచ్చని అంచనాలు కూడా ఐటీ స్టాక్స్లో కొనుగోళ్లకు మద్దతుగా నిలిచాయి.
