ఎలుక సొర్రిందని ఇల్లు తగుల బెట్టుకుంటమా? ఏంది? యెట్లన్న శేసి గా ఎలుకను బయిటికి తోలుతం. ఇల్లును మాత్రం మంచిగ కాపాడుకుంటం. మరైతే ఇంట్లకు ఎలుకలు రాకుండ ఏం శేయాల్నో, ఎట్లెట్ల శేయాల్నో ఓ కిటుకు శెప్త ఇనుండ్రి.
ఇండ్లల్లకు ఎలుకలు ఎట్లొత్తయో మనం శెప్పలేం. గనీ, ఎలుకలొచ్చే దారొకటుంది. మన ఇండ్లల్లకెల్లి నీల్లు, మురికి నీల్లు బయటికి పోయే పైపులుంటయి గద. గవాట్ల కెల్లి ఎలుకలు, సుందెలుకలు ఎక్కువ వత్తయి. మరి గ దారినే మూత్తే? గీ పోటువల సూపినట్లు… ఓ జాలి తెచ్చి, గా నీల్లు బయటకి పోయే పైపు కొసకు పెట్టాలె! గంతె.
