యెనకటికి పుష్పక యిమానం గురించి ఇన్నం. రామాయణంలో యుద్ధం అయిపోయినంక సీతతో కూడి రాముడు సకాలంలో అయోధ్యకి శేరిండంట. గిదీని గురించి మస్తుగ రాసిండ్రు. కనీ, గిట్లాంటిదే యిమానం, యెలికాప్టర్. గివీటికంటే ఇంకా తక్కువ కర్సు, తక్కువ బరువుతోటి ఓ పెద్ద సైజు డ్రోనసొంటి గాల్లో ఎగిరే కరెంటు కిరాయి యిమానాన్ని చైనా తయారు శేసింది.
చైనాకు చెందిన ఆటో ఫ్లైట్ అనే కంపెనీ ఓ అద్భుతం శేసింది. ప్రపంచమంతా ఆశీరపడే యిదంగ అవునా అబ్బురమనిపించే శిన్నపాటి కిరాయి యిమానాన్ని తయారు శేసింది. గిదీనికి మ్యాట్రిక్స్ అనే పేరు పెట్టింది. ఇగ దీని బరువు 5 టన్నులుంటదట. ఒక్కపాలే 10 మంది ఎక్కొచ్చట. ఒక్కపాలి శార్జింగ్ శేస్తే, గంట శేపు గాల్ల పోవచ్చట. ఇగ గిది గంటకు 280కి.మీ. యేగంతో పోతదట. బ్యాట్రీతో నడిశే గిదీని రేంజ్ 250 కి.మీ. ఉంటదట. హైబ్రీడ్ మాడల్ అంటే, పెట్రోలు, బ్యాట్రీ రెండూ ఉండేదైతే, 1,500 కి.మీ. దూరం పోతదట. ఇగ దీనికి గీ మద్దెలనే పరీచ్చలు శేసిండ్లట. గాల్లోకి ఎగరడానికి యిమానాల లెక్క రన్ వే కూడా అవసరం లేదట. నిలబడ్డకానుంచి నిలబడ్డట్లే ఎగురుతదట. గట్లనే దిగుతదట. ఇగ గిది వస్తే మనుషుల పయాణంల మస్తు యిప్లవమే వస్తదట. ఆగుండ్లాంగుండి… గిది మనకు అందుబాట్లకి రావడానికి ఇంకో రెండేండ్లు పడతదట. ఎట్లుంది గీ కొత్త పుష్పక యిమానం? ఎక్కి సూత్తె తెలుత్తది తియ్యిండ్రి.
